Հիմնադիր խորհրդարանի քարտուղարության հաղորդագրությունը

Ռեժիմը շարունակում է հաշվեհարդարի քայլեր կատարել Գևորգ Սաֆարյանի նկատմամբ

Հիմնադիր խորհրդարանի քարտուղարության անդամ Գևորգ Սաֆարյանը ազատվել է աշխատանքից՝ հաստիքների կրճատման ձևական պատճառաբանությամբ: Նա աշխատում էր «Այբ» դպրոցում՝ որպես անվտանգության աշխատող:

Իրականում նրան աշխատանքից ազատելու պատճառը նրա քաղաքական ակտիվ գործունեությունն է, որը երբեմն դրսևորվում է կտրուկ գործողություններով: Ռեժիմի համբերության բաժակը «լցվել է», քանի որ ս.թ. օգոստոսի 20-ին ռուսաստանաբնակ ուսանողուհի Սյուզի Գևորգյանի նկատմամբ կատարված բռնության դեմ նախագահական նստավայրի դիմաց կազմակերպված ակցիայի ժամանակ Գևորգ Սաֆարյանը ռեժիմի պարագլուխ Սերժ Սարգսյանի հասցեին հրապարակային կոշտ քննադատություն է հնչեցրել, այնուհետև ձվեր է նետել նախագահական նստավայրի վրա:

«Այբ» դպրոցը «Այբ» Հիմնադրամի համակարգի բաղադրիչ է, որի կառավարման մարմնի՝ Գործադիր խորհրդի անդամներից է Սերժ Սարգսյանը, իսկ նույն հիմնադրամի հոգաբարձուների խորհրդի նախագահ Տեր Մեսրոպ քահանա Արամյանը Սերժ Սարգսյանի խորհրդականներից մեկն է:

Կարդացեք նաև

«50 մետր այն կողմ կանգնելու է ադրբեջանցին, որտեղից կարողանալու են ատրճանակով կրակել մեր երեխաների ուղղությամբ». Գեւորգ Սաֆարյան

• 20:33 24.04.2024

Ոչինչ՝ բացի պետականաքանդման ծրագրից․ «Հայացք Երևանից»

• 16:26 31.03.2024

«Մտածում էին՝ ՊՊԾ գնդի գրավման պլանը մեր տանը պետք է լիներ». «Ա1+» (Տեսանյութ)

• 22:45 27.12.2016

Ռեժիմի այս քայլը Հիմնադիր խորհրդարանի և անձամբ Գևորգ Սաֆարյանի նկատմամբ 2014 թ. աշնանից սկիզբ առած հաշվեհարդարի շղթայի հերթական օղակն է: Դրա փոխարեն՝ նրա նկատմամբ 2014 թ. նոյեմբերի 26-ին մահափորձ կատարած անձինք, նրան հանիրավի կալանավորած և մինչ օրս մեղադրող պաշտոնյաները կամ նրան սպանելու սպառնալիք տված Ոստիկանության Երևան քաղաքի վարչության պետ Աշոտ Կարապետյանը անպատիժ կերպով շարունակում են իրենց հանցավոր գործունեությունը:

Հիմնադիր խորհրդարան