Ըստ Վաղարշակ Հարությունյանի՝ կան օբյեկտիվ
եւ սուբյեկտիվ պատճառներ Շահումյանը կորցնելու հարցում
«Ո՞վ պետք է պատասխան տա Շահումյանի համար: Մենք նրա ղեկավարությամբ կորցրինք Շահումյանը, որը մինչեւ հիմա Ադրբեջանի ձեռքի տակ է»,- երջանկահիշատակ գեներալ-գնդապետ Գուրգեն Դալիբալթայանը 1-in.am-ի հետ զրույցում այսպիսի հայտարարություն էր արել՝ Շահումյանը կորցնելու համար մեղադրելով Արցախյան պատերազմի հերոս, գեներալ-մայոր Արկադի Տեր-Թադեւոսյանին՝ Կոմանդոսին:
«Առավոտը» 1999-2000թթ. պաշտպանության նախարար Վաղարշակ Հարությունյանից հետաքրքրվեց՝ նա կիսո՞ւմ է այդ տեսակետը, ո՞ւմ պատճառով եւ ինչպե՞ս մենք կորցրինք Շահումյանը:
Պարոն Հարությունյանը պատասխանեց. «Այն ժամանակ՝ պատերազմում, պիտի հստակ պատկերացնեք, որ Ադրբեջանն ուներ Հայաստանից մի 5-6 անգամ ավելի ներուժ՝ ե՛ւ մարդկային, ե՛ւ տնտեսական, ե՛ւ զենք-զինամթերքի տեսանկյունից: ԽՍՀՄ-ի ժամանակ իր տարածքում 3-4 անգամ ավելի հզոր բանակ էր տեղակայված, քան Հայաստանում: Այդ ամենը առավելություն էր Ադրբեջանի համար: Խորհրդային Միության փլուզման ժամանակ իրենք ուժով զավթեցին խորհրդային բանակի զորամասերն ու զինվորական տեխնիկան, եւ դա նրանց համար ապահովեց ժամանակավոր հաջողություն: Իրենք այդ պահին ունեցան տեխնիկա, որը շատ կարճ ժամանակ անց վերածվեց ուղղակի մետաղի ջարդոնի: Մենք գնացինք ավելի խելամիտ ճանապարհով: Մենք պատրաստում էինք անձնակազմը՝ ապագա բանակի հիմքը, դրանից հետո վերցնում էինք զորամասերը: Դա մեզ երկարաժամկետ առավելություն տվեց. նրանք շահեցին այդ պահի մարտը, իսկ մենք՝ պատերազմը: Մենք 12 հազար քմ ավելացրինք մեր տարածքը, դա կազմում է Հայաստանի տարածքի 30 տոկոսը: Այդպիսի հաղթանակ չի եղել ոչ միայն Հայաստանի պատմության, այլ նաեւ որեւէ այլ երկրում չի եղել, իր նախադեպը չի ունեցել, որ պետությունը կարողանա ազատագրել իր տարածքի 30 տոկոսի չափ տարածք»:
Մեր հարցին՝ այսինքն՝ մեղավորներ չկա՞ն Շահումյանը կորցնելու հարցում, նա պատասխանեց. «Մեղավորներ միշտ կան: Կան օբյեկտիվ եւ սուբյեկտիվ պատճառներ Շահումյանը կորցնելու հարցում: Այստեղ կարող ենք ասել ամեն ինչ, ասել, որ մի հատ զինվոր լավ չի կրակել: Բայց հիմնական պատճառն այն է եղել, որ հակառակորդը զինտեխնիկայի հարցում առավելություն ուներ, բալանսը խախտված էր»:
Կարդացեք նաև
ՀՌԻՓՍԻՄԵ ՋԵԲԵՋՅԱՆ
«Առավոտ» օրաթերթ
18.09..2015
https://hy.wikipedia.org/wiki/%D5%8E%D5%A1%D5%A6%D5%A3%D5%A5%D5%B6_%D5%8D%D5%A1%D6%80%D5%A3%D5%BD%D5%B5%D5%A1%D5%B6#.D5.87.D5.A1.D5.B0.D5.B8.D6.82.D5.B4.D5.B5.D5.A1.D5.B6.D5.AB_.D5.A1.D5.B6.D5.AF.D5.B8.D6.82.D5.B4.D5.A8_.D6.87_.D5.8E..D5.8D.D5.A1.D6.80.D5.A3.D5.BD.D5.B5.D5.A1.D5.B6.D5.AB_.D5.B0.D5.A1.D5.BD.D6.81.D5.A5.D5.AB.D5.B6_.D5.B4.D5.A5.D5.B2.D5.A1.D5.A4.D6.80.D5.A1.D5.B6.D6.84.D5.B6.D5.A5.D6.80.D5.A8
Ձեռք ե՞ք առնում։ Շահումյանի գրավման հարվածային ուժը եղել է սովետական այսինքն ռուսական բանակը, որը բնական է և սպառազինություններով էլ ուժեղ է եղել և պատրաստվածությամբ։ Հիմա ԵՏՄ եք գնացել, ամեն ձև ուզում եք ռուսներին արդարացնել, որ էլի ռուս խաղաղապահներ բերեք, նորից հայաթափե՞ք Արցախը այ դավաճաններ։