Aravot.am-ի հարցին, եթե, այնուամենայնիվ, Ռուսաստանն ընդառաջ չգնա Հայաստանի կառավարության խնդրանքին եւ Հայաստանի համար չիջեցնի գազի գինը, մեր երկիրը կօգտվի՞ իրանական գազից, էներգետիկայի եւ բնական պաշարների նախարար Երվանդ Զախարյանն,այսօր էներգետիկայի եւ բնական պաշարների նախարարությունում կազմակերպված ամփոփիչ ասուլիսում ասաց, որ Իրանից Հայաստան եկող գազատարի թողունակությունը թույլ չի տալիս, որպեսզի ռուսական գազը Հայաստանը փոխարինի իրանականով:
Հարցին, թե ինչո՞ւ Հայաստանը չի առաջնորդվում սպառողների շահերով, պարոն Զախարյանը կրկին գազատարի թողունակության վերաբերյալ պատճառաբանությունը բերեց:
Ռուսական գազի գինը Ռուսաստանը կիջեցնի թե չի իջեցնի, Երվանդ Զախարյանն ասաց, որ բանակցությունն են տարվում եւ որ գործընթացի հետ կապված չի կարող մանրամասներ ներկայացնել:
Կարդացեք նաև
Լրագրողները պարոն Զախարյանից նաեւ հետաքրքրվեցին, թե ինչո՞ւ է Եվրոպայի համար գազի գինը զգալի նվազել, իսկ տնտեսական գործընկեր Հայաստանի համար ոչ միայն նույնն է մնացել, այլեւ մի բան էլ մեր կառավարությունը խնդրում է, որ իջեցնի:
«Ասում եք՝ խնդրում ենք, գիտեք ինչ, դիմելն էլ է խնդրել: Նորից եմ ասում, հարցի կարեւորությունը մենք գիտակցում ենք, հասկանում ենք, եւ այդ կարեւորությունից ելնելով է կառավարությունը դիմել վերանայման համար»,-ասաց Երվանդ Զախարյանը:
Ինչ վերաբերում է Եվրոպային գազն էժան գներով մատակարարելուն, ապա Երվանդ Զախարյանն ասաց. «Մենք այդ բոլորը գիտենք եւ այդ բոլորը հաշվի առնելով է, որ մենք դիմել ենք եւ բանակցում ենք: Թող ձեզ չթվա, որ մենք դա չենք իմանում»:
Երվանդ Զախարյանի մեկնաբանությունները` տեսանյութում
Էներգետիկայի եւ բնական պաշարների նախարար Երվանդ Զախարյանից նաեւ հետաքրքրվեցին, թե Իրանից գազ ստանալու վերաբերյալ որեւէ բանակցություն տարվել է` հաշվի առնելով Հայաստանում Իրանի դեսպանի այն հայտարարությունը, որ իրենք կարող են Հայաստանին ավելի էժան գազ տրամադրել, քան ռուսական կողմը: Պարոն Զախարյանն ասաց, որ նման բանակցություններ չեն եղել եւ Իրանի դեսպանի կողմից ավելի էժան գազ տալու վերաբերյալ հայտարարություն չի հնչել.
«Իրանը երբեք Հայաստանին չի առաջարկել 100 դոլարով գազ: Իրանն այսօր էլ չի առաջարկում ավելի էժան գազ, քան Ռուսաստանից ստացվողն է»:
Այն դիտարկմանը, եթե չեք բանակցել որտեղի՞ց գիտեք Իրանն առաջարկո՞ւմ է, թե՞ ոչ, Երվանդ Զախարյանն ասաց. «Մենք գիտենք, թե Իրանն ում, ինչ գնով է գազ առաջարկում: Եվ տիրապետում ենք բոլոր տեղեկատվությանն ընդհանրապես, թե որ երկիրն ում ինչքանով է գազ մատակարարում: Թող ձեզ չթվա, որ մենք այստեղ նստած, չգիտեմ ինչով ենք զբաղվում: Իրանը ոչ մի երկրին 165 դոլարով գազ չի առաջարկում»:
Լուսինե ԲՈՒԴԱՂՅԱՆ
Այս չինովնիկր չի հիշում, ոնց մեկ մ.տրամագիծ ունեցող գազի խողովակը ըստ նախաքգծի, փոխարինվեծ կես մետրի վրա մեր մեծ ախպոր «խորհուրթով».Հիմա հեքյաթներ է պափմում.