Ազգային ժողովի նիստի ընթացքում մայիսի 19-ին պատգամավոր Թեւան Պողոսյանը ներկաների ուշադրությունը հրավիրեց Կենտրոնական բանկի զեկույցի արտաքին տեսքի վրա:
«Մենք մտել ենք մի փուլ, որ մեր երկրում շատ տեղին, բոլորից հնչում է, որ պետք է կարողանանք միգուցե մեր շռայլ կյանքը մի քիչ նվազեցնել, եւ հասկանանք, որ անվտանգության խնդիրներ կան, որոնց համար պետք են ֆինանսական միջոցներ: Իրականում, շատ հաճելի է կարդալ այս շատ սիրուն, գունավոր, յուրահատուկ տպագրական ունակություններով զեկույցը: Բայց եկեք մի բան պարզ հասկանանք՝ նույնիսկ եթե իր արժեքը լիներ 100 դրամ, այդ 100 դրամը կարողանայինք տնտեսել, փոխանցել պետական բյուջե՝ կարեւոր ծախսերի համար, էլի մեզ համար կարեւոր խնդիր է»,- ասաց պատգամավորը:
Թեւան Պողոսյանը նկատեց, որ զեկույցում նշված չէ, թե այն քանի օրինակով է տպվել. «Բայց եթե նույնիսկ սա մեր 131 պատգամավորների համար է, վստահ եմ, որ իմ գործընկերներն ավելի ուրախ կլինեն պարզ թղթի վրա սրանից ստանալ, բայց իմանան, որ այդ տնտեսված գումարը գնում է պետական բյուջե: Երեւի հաջորդ մի քանի տարիներն այդպես անենք: Կգա մի օր, մի ժամանակ, այս շռայլությունը նորից մեզ թույլ կտանք»:
Կարդացեք նաև
Ամի ՉԻՉԱԿՅԱՆ
