«Բաց երկնքի քաղաքականություն հայտարարեցինք, ի՞նչ եղավ, տոմսերը թանկացան: Ավիացիան ավերվել ա, բացի էն, որ չունենք ազգային փոխադրող, որեւէ քայլ չի արվում հիմնական ուղղությունների հետ կապված: Դեմպինգի հետ կապված ռուսական մոտեցմամբ շատ դեպքերում շատ չվերթեր հանվեցին ՀՀ-ից: Ի՞նչ է արվել, չե՞ք գտնում , որ բաց երկնքի քաղաքականություն ասելով՝ ավիացիան ավերվել է»,- այսօր ԱԺ-ում 2015-ի բյուջեի կատարման հաշվետվության քննարկման ժամանակ Խաչատուր Քոքոբելյանն այս հարցն ուղղեց էկոնոմիկայի նախարար Արծվիկ Մինասյանին:
Նա պատասխանեց, որ որպես ընդդիմություն՝ բնական է, որ պարոն Քոքոբելյանը պետք է ավերվածությունների մասին խոսի. «Մենք ունենք ավելի շատ ավիափոխադրողներ երկրում, սպասվում է խոշորագույն ավիափոխադրողների մուտք ՀՀ, ես համաձայն չեմ, որ դա ավերվածություն է: Ենթակառուցվածքների զարգացման առումով լուրջ անելիքներ ունենք»:
Հետո պարոն Մինասյանն ասաց, որ իրականում ՀՀ-ում օդանավակայանի գներն ավելի ցածր են, քան Ադրբեջանում եւ Վրաստանում. «Երեւան, Թբիլիսի, Բաքու օդանավակայաններում գները համեմատեք եւ կտեսնեք, որ Հայաստանն ունի առավելություն գների առումով: Երբ մենք չենք տիրապետում թվերին՝ կարող ենք հայտարարել, որ ավերվել է»:
Խաչատուր Քոքեբելյանը հորդորեց հենց հիմա երեք երկրներում գործող ավիատոմսերի գները հնչեցնել . «Իմ տեղեկացվածությունը դուք չեք որոշում»:
Կարդացեք նաև
Արծվիկ Մինասյանը խոստացավ այսօր իսկ ներկայացնել թվային ցուցանիշներ: Նա ասաց, որ չգիտեր՝ այդ հարցն իրեն կուղղվեր, թվերը ձեռքի տակ չեն. «Այն, որ ՀՀ ժամանողը չպետք է հանդիպի փող ուզող սպասարկողի, այլ՝ ժպիտով ընդունող, դիմավորողների, միանշանակ է, բայց դրա մեղավորը բաց երկնքի քաղաքականությունը չի»:
Հռիփսիմե ՋԵԲԵՋՅԱՆ
վստա՞հ եք, այդ շշերում հանքային ջուր է՞:
Հայի բախտ, երկրի նախագահը՝ Սերժիկ, էկոնոմիկայի նախարարը՝ Արծվիկ, անենա – ամենա գործարարը՝ Լֆիկ: Կգա մի օր, որ դառնան՝ Սերժ, Արծիվ …, լավ-լավ՝ գործարարը թող չփոխվի, թող մնա Լֆիկ: