Արդեն հաղորդել ենք, որ շուրջ չորս ժամ առաջ «Հիմնադիր խորհրդարանի» փոխնախագահ Վարուժան Ավետիսյանը ազդարարեց, թե սկսել են զինված ապստամբություն: Նրանց հիմնական պահանջն է. «Սերժ Սարգսյանը պետք է հրաժարական տա և իշխանությունը փոխանցի ժողովրդի վստահության կառավարությանը»
Հիշեցնենք, որ ավելի վաղ մամուլի ասուլիսում ի պատասխան «Առավոտի» հարցի՝ Վարուժան Ավետիսյանն ասել էր. «Ժողովուրդը զինված ապստամբության իրավունք ունի: Կարող է զենք վերցնել եւ ֆիզիկապես ոչնչացնել այն իշխանավորներին, որոնք վտանգի տակ են դնում ժողովրդի գոյության իրավունքը եւ այդ ժողովրդին ծրագրված ձեւով, օտարի ձեռքով տանում են ցեղասպանության եւ հայրենազրկության»:
Ներկայացնում ենք տեղեկություններ՝ քաղված նրա ֆեյսբուքյան էջից:
Կարդացեք նաև
«Մեր շարքում լեգենդար հերոսներ կան` Ապարանցի Պավլիկը` Պավլիկ Մանուկյանը, Միայնակ Գայլը` Արայիկ Խանդոյանը, Արցախյան պատերազմի հայտնի հրետանավոր Մխիթար Ավետիսյանը, ինչպես նաև մերօրյա հայկազուն երիտասարդ հերոսներ»,- գրում է նա:
Վարուժան Ավետիսյանը պնդում է. «Էրեբունու հատուկ նշանակության զորամասը փաստորեն գրավված է»: Նաեւ հավելում է. «Այնտեղ կան ոստիկանական զորքեր, զինված ուժերի ստորաբաժանումներ և կարծես թե մեկ տանկ է բերվել»: «Ոստիկանությունը դիպուկահարներ է տեղակայել հարակից շենքերի տանիքներին»: Հրապարակվել են վերջին պնդումը հաստատող լուսանկարներ:
Ըստ նրա՝ իր ունեցած տվյալներով ապստամբ երիտասարդներից մեկը` Թաթուլ Սպարտակի Թամրազյանը, ծանր վիրավոր է:
Վարուժան Ավետիսյանը փորձել է հերքել, թե իրենք վիրավորել են ոստիկանի. «Իրականում, անտեսելով մեր բազմաթիվ հորդորները, ոստիկանությունը գրոհ կազմակերպեց մեր վրա զրահամեքենայով և կրակ բացեց ապստամբների ուղղությամբ: Ապստամբները ստիպված ինքնապաշտպանության նպատակով պատասխան կրակ բացեցին»:
«Հիմնադիր խորհրդարանի փոխնախագահը հաղորդում է. «Ոստիկանները փորձում են գրոհել մեր դիրքերը, BMP են բերել, բայց մեր դիրքերը լավ են և մեզ մոտ բարձրաստիճան ոստիկաններ կան, գեներալ Եղիազարյանը և գնդապետ Օսիպյանը»: Եղիազարյանի մասին պարզաբանում է. «Վլադիմիր Գասպարյանի տեղակալ գեներալ Վարդան Եղիազարյանը մեզ մոտ է»:
Ըստ նրա՝ «Ոստիկանությունը բերման է ենթարկել քաղաքի կենտրոնում հավաքված քաղաքացիներին», «Մեր դեմ են բերում Ոստիկանության զորքերի երիտասարդ զինվորներին»:
Վարուժան Ավետիսյանը հայտարարել է. «Որքան ուշացնում են Ժիրայր Սէֆիլյանին մեզ մոտ բերելը, այնքան իրավիճակն ավելի է սրվում: Կրկնում ենք, մենք ենթարկվում ենք միայն Ժիրայր Սէֆիլյանին, բանակցություններ կարող է վարել միայն Ժիրայր Սէֆիլյանը: Եվ բանակցությունները լինելու են մեկ հարցի վերաբերյալ` ինչպես է Սերժ Սարգսյանը փոխանցում իշխանությունը ժողովրդի վստահության կառավարությանը»:
Շատ հպարտ եմ «Սասնա Ծռեր» ջոկատի ակցիայով. հայրենասեր հայեր են: Այլ ճանապարհ կա՞: Բոլոր հայրենասեր հայերը պիտի աջակցեն իրենց:……………………Խրոնիկական հարմարվողները խրոնիկական միամիտներին փորձում են համոզել,որ իբր «հայը հայի արյուն չի թափում»: Հայաստանի ճանապարհային նման երթեւեկությունում այդքա՛ն զոհ ու վիրավոր ունենալը հայի արյուն թափել չէ՞: Զինվորին ինքնասպանության հասցնելն ու զինվորից գողանալը հայի արյուն թափել չէ՞: Երկրի պաշտպանությունը օտարին հանձնելը հայի արյուն թափել չէ՞: Գետը գրավելն ու գյուղացու հողը պոչերով ու պոչամբարներով թունավորելը հայի արյուն թափել չէ՞: Փոքր բիզնեսին խեղդելն ու ազգի հարստությունը օֆշորներում թաքցնելը հայի արյուն թափել չէ՞: Ընտրակաշառք տալ-վերցնելն ու թվեր «նկարելը» հայի արյուն թափել չէ՞:
Արցախի Ժողովուրդ, Մարզերից, քաղաքներից եկեք միացեք Երեւանին:
Էս հերոսների սկսած գործը Ժողովուրդը պիտի վերջացնի: