ՀՀ պաշտպանության նախարարությունում այսօր տեղի ունեցավ Զինծառայողների ապահովագրության հիմնադրամի (այսպես կոչված «1000 դրամի» աղմկահարույց օրենքի նախագծով ստեղծված) հոգաբարձուների խորհրդի անդրանիկ նիստը, որի ընթացքում որպես հիմնադրամի խորհրդի նախագահ առաջադրվեց Պաշտպանության նախարար Վիգեն Սարգսյանի թեկնածությունը:
Նա հիմնադրամի խորհրդի նախագահ ընտրվեց միաձայն եւ շնորհակալություն հայտնեց վստահության համար:
Այնուհետեւ քննարկվեց հիմնադրամի տնօրենի ընտրության հարցը: Առաջադրվեց ԿԲ իրավաբանական բաժնի պետ Վարուժան Ավետիքյանի թեկնածությունը: «Խորհրդակցել եմ ԿԲ նախագահի հետ, որպեսզի պարոն Ավետիքյանը ստանձնի հիմնադրամի տնօրենի պաշտոնը»,-ասաց Վիգեն Սարգսյանը:
Վարուժան Ավետիքյանն ընտրվեց հիմնադրամի տնօրեն, ապա առաջադրեց բյուջեի հաստատման հարցը, համաձայն որի՝ 1միլիարդ 731 միլիոն դրամի ծախս նախատեսել՝ այս տարվա համար: Այս առաջարկը եւս հաստատվեց:
Կարդացեք նաև
Այնուհետեւ հաստատվեց հիմնադրամի հաստիքացուցակը, որը ներառում է երկու հաշվապահի, երկու ներքին աուդիտի անդամի, կայք-էջի պատասխանատուի, ռիսկերի կառավարչի հաստիքներ: Զեկուցվեց, որ ԿԲ-ի 15 աշխատակիցներ անհատույց, այսինքն՝ անվճար, սպասարկելու են հիմնադրամի գործունեությունը:
Այլ մանրամասները՝ տեսանյութում:
Լուիզա ՍՈՒՔԻԱՍՅԱՆ
