Այսօր ՀՀ նախագահի նստավայրի՝ Բաղրամյան 26-ի մուտքի մոտ իրավապաշտպան, «Հելսինկյան ասոցիացիայի» փաստաբան Նինա Կարապետյանցն ու «Հելսինկյան քաղաքացիական ասամբլեա-Հայաստան»-ի նախագահ Նատալյա Մարտիրոսյանի հետ բողոքի կարճատեւ ցույց են արել` «за нашу и вашу свободу» կոչով:
Բաղրամյան 26-ում այսօր մեկնարկել է Եվրասիական տնտեսական բարձրագույն խորհրդի նիստը, որին մասնակցում են ԵԱՏՄ անդամ երկրների ղեկավարները:
Aravot.am-ի հետ զրույցում տիկին Կարապետյանցն ասաց, որ ցույցի նպատակն էր՝բողոքի ձայն հնչեցնել ի աջակցություն ՌԴ-ում եւ ԵԱՏՄ այլ երկրներում գործընկեր իրավապաշտպանների, քաղաքացիական ակտիվիստների, որոնք անազատության մեջ են, ինչպես նաեւ ի աջակցություն քաղբանտարկյալների.« Ռուսաստանում հատկապես վերջերս մեծ թափ են հավաքել իրավապաշտպանների նկատմամբ ճնշումները, ապօրինի դատավորությունները: Մենք քաղբանտարկյալներ չունենք, այդ հարցը լուծել ենք, եւ ցանկանում ենք, որպեսզի նույն մթնոլորտը լինի նաեւ ԵԱՏՄ անդամ մյուս երկրներում»:
Կարապետյանցն ասաց, որ իրենք ցույցն անում էին Բաղրամյան 26-ի դարպասների մոտ Բելառուսի եւ ՌԴ-ի նախագահները պետք է, որ նկատած լինեին իրենց պաստառները, քանի որ նախագահների եւ պատվիրակությունների ավտոշարասյունը անցել են իրենց մոտով. «Հետո Պուտինի պատվիրակության «ֆուրգոններն» հատուկ կանգնեցին, այնպես, որ մենք մնացինք հետեւում: Վստահաբար, նկատել են մեր ցույցը»:
Կարդացեք նաև
Նելլի ԲԱԲԱՅԱՆ
