Երևանի ավագանու «Իմ Քայլը» խմբակցության անդամ, «Քաղաքացիական պայմանագիր» կուսակցության անդամ Հենրիկ Հարթենյանը երեկ ֆեյսբուքյան իր էջում հրապարակել էր Սառա Թովմասյան անունով օգտատիրոջ տվյալները և հետևյալ գրառումն արել․ «Հ․ Թովմասյանի աղջկա ՖԲ-ն է, ձեզ տեսնեմ ժողովուրդ ջան»։ Ահա թե կատարվածին ինչպես են արձագանքել ԱԺ «Իմ քայլը» խմբակցության պատգամավորները:
Երևանի ավագանու «Իմ Քայլը» խմբակցության անդամ, «Քաղաքացիական պայմանագիր» կուսակցության անդամ Հենրիկ Հարթենյանի երեկվա ֆեյսբուքյան գրառումը անընդունելի է։
Անթույլատրելի է մարդկանց ուղղորդելը իրենց գրառումներով կամ այլ կերպ թիրախավորել որևէ մեկին այնպես, որ խախտվեն մարդու արժանապատվության անձեռնմխելիությունը, մասնավոր և ընտանեկան կյանքի անձեռնմխելիությունը և հոգեկան անձեռնմխելիությունը։
Կարդացեք նաև
«Քաղաքացիական պայմանագիր» կուսակցության Վերահսկող հանձնաժողովը և Երևանի ավագանու «Իմ քայլը» խմբակցությունը տարածել են տեղի ունեցածը դատապարտող հայտարարություն՝ արձանագրելով նաև, որ հարցը կքննարկեն իրենց նիստերում։
Մարիա ԿԱՐԱՊԵՏՅԱՆ
https://www.facebook.com/maria.karapetyan/posts/10219424117530245
Երբեք, երբե՜ք, քաղաքական հակառակորդիդ ընտանիքի անդամը չպետք է հանդիսանա քո թիրախը կամ շահարկման առարկա:
Ու սա վերաբերվում է դաշտի բոլոր բոլորին:
Արմեն ՓԱՄԲՈՒԽՉՅԱՆ
https://www.facebook.com/armen.pambukhchyan/posts/2690194894401877
Ատելության խոսքի, ատելություն սերմանելու ցանկացած դրսևորում դատապարտելի է և մեզանում տեղ չունի:
Արուսյակ ՋՈՒԼՀԱԿՅԱՆ
https://www.facebook.com/arusyak.julhakyan/posts/10220279391522196?__tn__=-R
Այո’, մենք դատապարտում ենք, հնարավորինս արագ համապատասխան քայլեր ձեռնարկվելու են։ Այն ինչ արել է ավագանու գործընկերը անընդունելի է, եւ երբ ասում ենք ատելության խոսքը, ցանկացած իրավիճակում ընտանիքը թիրախավորելը մերժելի է, ապա առաջին հերթին հենց մենք մեզնից ենք պահանջում այս արժեքներին հավատարիմ մնալ։
Խնդրում եւ պահանջում եմ, այլեւս ինձ ձեր հայհոյախառն գրառումներում չթագեք… շատերիդ գրածներն ու որակումները հաճախ ավելի վատն են, քան ինքնին արարքը։
Գայանե ԱԲՐԱՀԱՄՅԱՆ
https://www.facebook.com/gayane.abrahamyan.9/posts/10218896306212388
Քաղաքացիական պայմանագիր կուսակցության վերահսկող հանձնաժողովն անընդունելի է համարում «Իմ Քայլը» ավագանու խմբակցության անդամ, Քաղաքացիական պայմանագիր կուսակցության անդամ Հենրիկ Հարթենյանի ֆեյսբուքյան հայտարարությունը, որը միանշանակ հակասում է կուսակցության կողմից որդեգրած արժեքներին և սկզբունքներին: Ատելության խոսքն ու անհանդուրժողականությունը խիստ դատապարտելի են: Միջադեպը կքննվի վերահսկող հանձնաժողովում:
Սոնա ՂԱԶԱՐՅԱՆ
https://www.facebook.com/sona.ghazaryan.92/posts/10221471964575232
