ՀՀ կառավարության մամուլի կենտրոնում լրագրողների հետ հանդիպմանն այսօր ՀՀ Առողջապահական և աշխատանքի տեսչական մարմնի ղեկավար Հակոբ Ավագյանն անդրադարձավ այն հանգամանքին, որ համացանցում օգտատերերն իրար հաղորդագրություն են ուղարկում՝ իբրեւ թե կորոնավիրուս բուժող անվանական դեղերի մասին: Պաշտոնյան խորհուրդ տվեց նման հայտարարություններին տուրք չտալ:
«Մենք զեկուցագիր ենք գրել, վարույթ ենք հարուցել, որպեսզի գտնենք նման դեղեր գովազդողին: Այդ դեղն իր անվամբ եւ բնութագրմամբ շփոթություն է առաջացրել համացանցում, թե իբրեւ կորոնավիրուս է բուժում: Զբաղվում ենք հարցով, որպեսզի նման թյուր տեղեկություն չտարածվի: Հուսամ՝ արագ կգտնենք»:
Լուիզա ՍՈՒՔԻԱՍՅԱՆ
