ՄԱԿ կուսակցության ղեկավար, ՔՊ ցուցակով առաջադրված Գուրգեն Արսենյանը Արագածոտնի մարզում քարոզարշավի ժամանակ ելույթ ունեցավ ու ասաց. «Իմ պատգամավորական գործունեության ընթացքում աշխատել ենք թույլ չտանք, որ իշխող խմբակցությունը անցկացնի այլանդակ օրենքներ: Այս օրենքները, որ իրենք բերում ու անցկացնում էին, 95%-ը ուղղված է ժողովրդի շահերի դեմ: Դրանց նպատակը մարդկանց ընչազուրկ դարձնելն էր, իրավունքներն ու սեփականությունը ձեռքից վերցնելն էր: Տեսել եմ դա ու վկայում եմ: Քննարկումների ժամանակ բարձրաձայնել եմ: 2016-ին «Հարկային օրենսգիրք» բերեցին, ԱԺ ամբիոնից ասել եմ բառեր, որ ինձ սովորաբար թույլ չեմ տալիս: Ասեցի՝ ուզում եք ժողովուրդը հելնի այստեղից գնա՞, մեր հետեւի՞ց եք ընկել դուք, արա: Ձեր բերած օրենքները ասում են մի բան՝ հայեր, թողեք գնացեք այս երկրից»:
Նա անդրադարձավ նախկին վարչապետ Տիգրան Սարգսյանին, որն ասել էր՝ մնան, հեղափոխությո՞ւն անեն: Հունիսի 20-ին հեղափոխության շարունակությունն է լինելու:
Նա ասաց, որ ԱԺ ամբիոնից 2 մարդ է խոսել երջանկության մասին. «Մեկը՝ ես, մյուսը՝ Փաշինյանը»:
Արսենյանը երջանկության պահերը հիշեցրեց՝ «Արարատ 73»-ի հաղթանակով. «Փորձում են մեզ հանեն իրար դեմ: Խայտառակություն է, երբ որ Զանգեզուրի բնակչությանը փորձում են հակադրել Հայաստանի բնակչությանը: Ես գիտեմ, որ Զանգեզուրի բնակիչներն իրենց խոսքը կասեն այդ առումով, այդ պատասխանը կտան: Իրենք 20 տարի զբաղված են ընտրություն կեղծելով, դուք գնում էիք ընտրության, դա միջոցառում էր, իրենք նկարում էին՝ ինչ ուզում էին»:
Կարդացեք նաև
Հռիփսիմե ՋԵԲԵՋՅԱՆ
