Երեւանի ավագանու «Իմ քայլը» խմբակցության անդամ Գայանե Եղիազարյանը դիմում է ներկայացրել ավագանու անդամի իր լիազորությունները դադարեցնելու մասին: Այս մասին այսօր նախքան ավագանու նիստը սկսելը հայտնեց Երեւանի քաղաքապետ Հրաչյա Սարգսյանը (լուսանկարում): Նրա մանդատը տրվել է «Իմ քայլի» ցուցակի հաջորդ թեկնածու Ակսել Թեւոսյանին: Քաղաքապետն ասաց, որ Ակսել Թեւոսյանն իր հերթին դիմում է ներկայացրել ավագանու անդամի իր լիազորությունները դադարեցնելու մասին:
Հիշեցնենք, որ Գայանե Եղիազարյանը ԱԺ պատգամավոր է դարձել՝ փոխարինելով այնտեղ Անուշ Բեղլոյանին:
Հրաչյա Սարգսյանը նաեւ հայտնեց, որ ավագանու նիստի օրակարգից 2 հարց հանվել է: Մեկը՝ Մամիկոնյանց փողոցի 62 շենքի թիվ 141 բնակարանն անհատույց օտարելու մասին հարցն է, մյուսը՝ հողամասի նպատակային նշանակությունը փոփոխելու նախագիծը:
Լուսինե ԲՈՒԴԱՂՅԱՆ
