«Ինձ հայտնի վեճեր կան, ես այդ վեճերի մեջ մտնել չեմ ուզում։ Մի բան ակնհայտ է՝ եթե չկա համաժողովրդական շարժում, հստակ չեն նպատակները՝ ոչ միայն Նիկոլին քցելը, այլ որոշակի խնդիրներ ու ճանապարհ, ոչ մի բան արդյունքի չի բերի»,- «Ազգային ժողովրդավարական միություն» կուսակցության (ԱԺՄ) 18-րդ համագումարի ժամանակ լրագրողների հետ ճեպազրույցում այսպիսի կարծիք հայտնեց ԱԺՄ նախագահ Վազգեն Մանուկյանը։
ԱԺՄ նախագահի համոզմամբ՝ ի սկզբանե իմպիչմենտը ենթադրում է, որ դրա շուրջ պետք է հավաքված լինի շարժում․ «Իսկ ընդդիմությանը թվում է, որ Գյումրիի պես բոլորն առանձին- առանձին կգնան և վերջում կհաղթեն։ Ասում եմ՝ այդ սցենարը հնարավոր չէ։ Հիմիկվանից մտածեք, որովհետև դիմացինն անելու է ցանկացած խախտում, որ մնա իշխանության»։
Տաթև ՀԱՐՈՒԹՅՈՒՆՅԱՆ
