«Պարտությունից հետո մենք ոչ միայն չպատժեցինք, այլև պարգևատրեցինք, իսկ դա մարդկության օրենքին դեմ է։ Մարդկության օրենքը խախտողը պատասխան է տալու իր կյանքով ու գոյությունով»,-«Ազգային ժողովրդավարական միություն» կուսակցության (ԱԺՄ) 18-րդ համագումարի ժամանակ հայտարարեց ԱԺՄ վարչության անդամ Վարդան Վարդանյանը։
Ըստ նրա՝ երևի աշխարհում չկա մի ազգ, որ մի հարյուր անգամ չի հաղթել ու հարյուր անգամ էլ պարտվել․ «Խնդիրը ոչ թե այն է, որ մենք այս անգամ պարտվեցինք, այլ թե ինչպես վարվես պարտությունից հետո։ Մարդկությունն իր 5000 տարվա պատմության մեջ գտել է բոլոր ալգորիթմները՝ ինչպես վարվել հաղթելու և պատվելու դեպքում։ Հաղթելու դեպքում քեֆ, ուրախություն, պարտվելու դեպքում մի ձև կա դուրս գալու։ Պարտված մարդը ստորացված է, շոկի մեջ գտնվող մարդ է։ Քանի չի պատժվել այդ պարտության հեղինակը, ոչ մի շարժում հնարավոր չէ անել․ մարդը դուրս չի գալիս այդ վիճակից»։
Տաթև ՀԱՐՈՒԹՅՈՒՆՅԱՆ
