«Առավոտի» եւ «Շտիգեն» ընկերությունների խմբի համատեղ նախագծի՝ «Ազգային բուրժուազիա»-ի հյուրն է «Բրեյնդ» ընկերության համահիմնադիր Էդուարդ Քանքանյանը: Նրա համոզմամբ, մարդկանց հնարավոր չէ համոզել սպառել հայկական ապրանքը միայն այն պատճառով, որ այն հայկական է: Չնայած ոլորտների առումով տարբերություններ կան (օրինակ, գյուղատնտեսական ապրանքների հարցում գերապատվությունը սովորաբար տրվում է տեղական արտադրանքին), մարդիկ, մեծ հաշվով, ընտրում են այն ապրանքը, որի գինն ու որակն իրենց ձեռնտու են: Հայկականը չընտրելու համար կշտամբելը կարող է տալ հակառակ էֆեկտը:
Գործարարի կերպարը եւ դրա հասարակական ընկալումը, ըստ փորձագետի, փոխվում են, եւ դրա պատճառն այն է, որ հաջողությունները բիզնեսում այսօր ավելի շատ պայմանավորվում են նրանով, թե ինչպիսի միտք, ինչպիսի տեխնոլոգիա է ներդրվել արտադրանքի մեջ: Բիզնեսը բոլոր իմաստներով դառնում է ավելի թափանցիկ, ավելի հանրային, եւ, մյուս կողմից՝ ավելի քիչ է ներգրավված քաղաքականության մեջ, ինչը, հաղորդման հյուրի խոսքով, «մաքրում է նրան»:
Խոսելով գործարարների հանդեպ դեռեւս պահպանվող անվստահության պատճառների մասին, Էդուարդ Քանքանյանը նշում է նախեւառաջ 1990-ականների պայմաններում հետխորհրդային տարածքում հարստացած մարդկանց առանձնահատկությունները, ինչպես նաեւ այն հանգամանքը, որ ժառանգական մեծահարուստներ այդ տարածքում գրեթե չկան:
Կարդացեք նաև
Արամ ԱԲՐԱՀԱՄՅԱՆ
