Երեկ Սուրբ Էջմիածնում տեղի ունեցած իրադարձությունները մտահոգություն առաջացրին ոչ միայն հավատացյալների, այլև հասարակության լայն շրջանակների շրջանում։
Իրավապահ մարմինների հանկարծակի մուտքը Վեհարանի տարածք բացեց միանգամայն նոր էջ պետություն-եկեղեցի հարաբերությունների պատմության մեջ։
Ակնհայտ է, որ այս միջադեպի խորքում թաքնված է առավել վտանգավոր մի գործընթաց։ Երբ իրավապահները ներխուժում են Հայ Առաքելական Եկեղեցու սրբավայր՝ անտեսելով ոչ միայն բարոյական սկզբունքները, այլև հասարակական կարծիքը, առաջ է գալիս հարցը՝ արդյո՞ք այս գործողությունների նպատակը արդարադատության հաստատումն է, թե՞ ազգային արժանապատվության նվաստացումը, որն ի վերուստ եղել է հայ ինքնության առանցքային բաղադրիչ։
Սա առնվազն ահազանգ էր․ վտանգված են մեր ազգային հենարանները՝ հավատքը, մշակույթը, հոգևոր ինքնությունը։
Կարդացեք նաև
ՀՀ պահեստազորի զինծառայողների նախաձեռնություն
