Արտաշես Սարկավագ Աջապահյանի ֆեյսբուքյան գրառումը
Հայ ժողովուրդ,
Ձեզ ընդամենը պետք էր կանգնել ձեր առաջնորդների կողքին ու թիկունքին` հաղթահարելու այս մեծ փորձությունը և կանխելու համար մեծ ողբերգությունը, որ գալու է ձեր և ձեր զավակների վրա։
Կուսակրոն հոգևորականները ամենաքիչ ակնկալիքներն ունեն այս կյանքից, նրանք չունեն զավակներ, ընտանիք ու այդ ամենից հրաժարվել են հանուն ձե՛ր զավակների ու ձե՛ր ընտանիքների հոգևոր ու մտավոր և ինչու ոչ` ֆիզիկական բարoրության։
Կարդացեք նաև
Նրանք ամեն բան անում են ձեզ համար, իսկ դուք ի՞նչ եք անում իրենց համար։
Ճիշտ կլինի, որ յուրաքանչյուր մարդ, որ իրեն Հայ Առաքելական եկեղեցու զավակ է համարում, ամեն օր քնելուց առաջ իրեն այս հարցը տա՝
թե ի՞նչ է անում ինքը իր եկեղեցու համար՝ իր Մո՛ր համար։
Բայց ամեն դեպքում եկեղեցին ունի իրոք նվիրյալ զավակներ, ովքեր այս դժվարին օրերին եկեղեցում էին ու հոգևորականների կողքին։
Աստված զորացնի ու օրհնի բոլորիդ, սիրելիներս։
Իսկ մյուսները թող մտածեն իրենց մասնակցության մասին, որ Հուդային բաժնեկից չլինեն։
Աղոթենք և գործենք մեր Սրբազանների և ազգի նվիրյալ զավակների Ազատության, առողջության ու մեր հայրենիքի շենության համար։
Աստված պահապան բոլորիս։
