Գյումրու Բուլվարային թաղամասի կիսակառույց շենքերից մեկի մոտ երեկ երեկոյան՝ ժամը 20․30-ի սահմաններում, Շիրակի մարզի քրեական ոստիկանության գլխավոր վարչության աշխատակիցները հայտնաբերել էին երիտասարդ տղայի դի՝ ձեռքի հատվածները սուր կտող առարկայով կտրած վիճակում։
Նրանք պարզել էին, որ մահացածը Ռուսաստանի Դաշնության քաղաքացի, 24-ամյա Անտոնենկո Կ․-ն է, որը ծառայում է Գյումրու 102-րդ ռազմաբազայում։
Նախնական վարկածով, երիտասարդը ինքնասպանություն է գործել, թե որն է պատճառը, դեռ անհայտ է։
Ըստ մեր տեղեկությունների, նա ռազմաբազայում կամավոր լքել է զորավարժությունները, իր մահից առաջ էլ կիսաքանդ շենքի պատին իր իսկ արյունով գրել է․ «Դատարկ կյանք է»։
Կարդացեք նաև
Հիշեցնենք, որ այս դեպքը միակը չէ ռազմաբազայում․ բոլորովին վերջերս` 15 օր առաջ, գլխի հրազենային վնասվածքով Գյումրի բժշկական կենտրոն էին տեղափոխել ռազմաբազայի մեկ այլ զինծառայողի՝ 23-ամյա Ալեքսեյ Կ-ին։ Վերջինս, լինելով հերթապահության մեջ ռազմաբազայի տարածքում գտնվող աշտարակի մոտ, իրեն հրազենային վնասվածք էր հասցրել․ կրակել էր ճակատին։
Նունե ԱՐԵՎՇԱՏՅԱՆ
