Նորվեգիայի Ֆյորդե քաղաքում մեկնարկած ծանրամարտի աշխարհի առաջնությունում Հայաստանի ազգային հավաքականից այսօր առաջինը պայքարի մեջ մտավ 60 կգ քաշային Գառնիկ Չոլակյանը:
Մեր ծանրորդը պոկում վարժությունում առաջին մոտեցմամբ բարձրացրեց 123 կգ ծանրաձողը, սակայն այնուհետեւ չկարողացավ հնազանդեցնել 128, ապա 130 կիլոգրամները եւ այս վարժությունում պայքարն ավարտեց 8-րդ հորիզոնականում:
Հրում վարժությունը Գառնիկ Չոլակյանն սկսեց 152 կգ-ից, որը հաջող ստացվեց:
Սակայն կրկին ձախողվեց երկրորդ մոտեցումում՝ չկարողանալով բարձրացնել 157-ը, ինչից հետո հրաժարվեց երրորդ մոտեցումից, հավանաբար, վնասվածքի պատճառով:
Կարդացեք նաև
Այսպիսով, Գառնիկ Չոլակյանը հրում վարժությունում եզրափակեց լավագույն տասնյակը եւ երկամարտի 275-կգ-ով զբաղեցրեց 10-րդ հորիզոնականը:
Աշոտ ՀԱԿՈԲՅԱՆ
