«Ինձ համար էմոցիոնալ ծանր օր է, մեկ այլ օր ձեր հարցերին կպատասխանեմ»,- ՀՀ հակակոռուպցիոն դատարանի մոտ լրագրողի հարցին ի պատասխան ասաց բարերար Սամվել Կարապետյանի դուստրը՝ Տաթեւ Կարապետյանը։ Հարցը վերաբերում էր Աննա Հակոբյանի հրապարակումներին՝ իր կողմից սարկաստիկ նմանակումների շարքին։
Հիշեցնենք, այսօր հակակոռուպցիոն դատարանում, Վահե Դոլմազյանի նախագահությամբ, քննվում է Սամվել Կարապետյանի կալանքի ժամկետը երկու ամսով երկարացնելու հարցը։ Հիշեցնենք, օրերս հայտնի դարձավ, որ Սամվել Կարապետյանին առաջադրված մեղադրանքը փոփոխվել է. այն համալրվել է առանձնապես խոշոր չափերի փողերի լվացման դրվագով։ Փաստաբանական խումբը վերահաստատում է իր մոտեցումը՝ Սամվել Կարապետյանի հետ կատարվողը, նա, ըստ ԵԱՀԿ չափանիշների քաղբանտարկյալ է։ Ի աջակցություն Սամվել Կարապետյանի ցույցին, դատարանի մոտ էին նաեւ «Լուսավոր Հայաստան» կուսակցության ղեկավար Էդմոն Մարուքյանը, Վանաձորի նախկին քաղաքապետ Մամիկոն Ասլանյանը։
Դատարանի մոտ էին նաեւ Սամվել Կարապետյանի կինը, երեխաները։ Մարդիկ մոտենում, զրուցում եւ ոգեւորում են նրանց․ «Մենք պիտի հաղթենք»։
«Համբերություն եւ պայքար՝ մինչեւ վերջ»,- ասաց Սամվել Կարապետյանի կինը։
Կարդացեք նաև
«Երջանիկ մարդիկ եք։ Այսպիսի ազգընտրիչ ժամանակներում ընտանիքով հանձն առնել այսպիսի առաքելություն, ամեն մարդ չի կարող»,- Սամվել Կարապետյանի դստերը՝ Տաթեւ Կարապետյանին դիմեց ուսուցչուհի մի կին՝ հավելելով, որ ամաչում է ոստիկանների համար, որ փոխարեն Նիկոլ Փաշինյանին ձերբակալեն, դատարանի մոտ «շարք են կանգնել»։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
