Դուբայում ընթացող բռնցքամարտի տղամարդկանց աշխարհի առաջնությունում այսօր մեկնարկել են կիսաեզրափակիչ մենամարտերը։ Հայաստանի հինգ ներկայացուցիչներից երկուսն արդեն ավարտել են մրցելույթները Միացյալ Արաբական Էմիրություններում։
60 կգ քաշային կարգում Արթուր Բազեյանը եւ 67 կգ քաշային Հովհաննես Բաչկովը բավարարվեցին բրոնզե մեդալով։
Հենց ռինգում մեդալները եւ IBA-ի սահմանած դրամական մրցանակների հավաստագրերը նրանց հանձնեցին Հայաստանի բռնցքամարտի ֆեդերացիայի նախագահ Հովհաննես Հովսեփյանը եւ ՀՖՖ առաջին փոխնախագահ Սամվել Գասպարյանը։
Կարդացեք նաև
Այսօր եզրափակչի ուղեգրի համար պայքարի մեջ ներգրավվելու են մեր ազգային հավաքականի եւս երեք բռնցքամարտիկներ։
Աշոտ ՀԱԿՈԲՅԱՆ



















































