ՀՀ պետական եկամուտների կոմիտեի նախագահ Էդուարդ Հակոբյանի գլխավորած պատվիրակությունը Ռուսաստանի Դաշնության Սանկտ Պետերբուրգ քաղաքում դեկտեմբերի 11-ին մասնակցել է Եվրասիական տնտեսական միության անդամ պետությունների մաքսային ծառայությունների միավորված կոլեգիայի 52-րդ նիստին։ Նիստին մասնակցել են ԵԱՏՄ անդամ պետությունների մաքսային ծառայությունների պատվիրակությունները՝ ղեկավարների գլխավորությամբ։
Միավորված կոլեգիայի նիստի ընթացքում քննարկվել և ստորագրվել է 26 որոշում, որոնք վերաբերում են մաքսային գործի տարբեր բնագավառներին, մասնավորապես, տեղեկատվության փոխանակման ոլորտում ԵԱՏՄ անդամ պետությունների մաքսային ծառայություններում տեխնիկական աջակցության գործարկմանը, տեսչական և զննման համալիրի կիրառմամբ ստացված էտալոնային լուսանկարների ընդհանուր պահոցի հայեցակարգի ստեղծման և ընդհանուր պահոցի միջոցով տեղեկատվության փոխանակման մասին համաձայնագրի նախագծին։ Ընդունվել են նաև որոշումներ առանց բացթողումը հավաստող փաստաթղթերի ապրանքների մաքսային տարածքում գտնվելու, միջազգային փոստային առաքանիներով առաքվող ապրանքների ոչ ինտրուզիվ սարքավորումների կիրառմամբ մաքսային հսկողություն իրականացնելու պրակտիկայի, ինչպես նաև ԵԱՏՄ արտաքին տնտեսական գործունեության միասնական ապրանքային անվանացանկին համապատասխան որոշ ապրանքների դասակարգման վերաբերյալ։
Քննարկվել և ստորագրվել են ռիսկերի միասնական արժեքային ցուցիչներին և դրանց կիրառմամբ ապրանքների մաքսային հայտարարագրման մոնիթորինգի արդյունքներին առնչվող որոշումներ։
Նիստի ընթացքում քննարկվել և հաստատվել են ԵԱՏՄ անդամ պետությունների մաքսային ծառայությունների միավորված կոլեգիայի 2025թ․ աշխատանքային ծրագրի կատարման արդյունքներն ու հաստատվել է 2026թ․ աշխատանքային ծրագիրը։ Հաստատվել են նաև Միավորված կոլեգիային կից գործող 10 աշխատանքային խմբերի 2026թ․ ծրագրերը։
Կարդացեք նաև
Որոշում է կայացվել Եվրասիական տնտեսական միության անդամ պետությունների մաքսային ծառայությունների միավորված կոլեգիայի հաջորդ՝ 53-րդ նիստն անցկացնել Ղրղզստանի Հանրապետությունում՝ 2026 թվականի առաջին եռամսյակում։
ՀՀ պետական եկամուտների կոմիտե
