(19 հունվարի, 2026թ., ք. Երևան) Վահե Մելիքսեթյան հիմնադրամը նշում է իր գործունեության հինգ տարին՝ ամփոփելով գիտակրթական առողջապահական և հետազոտական ոլորտներում իրականացված ծրագրերն ու արձանագրված արդյունքները։
Ստեղծման օրվանից ի վեր հիմնադրամը նպատակ է ունեցել նպաստել Հայաստանի գիտության, կրթության և առողջապահական ոլորտների զարգացմանը՝ ներդրում կատարելով մարդկային կապիտալի, մասնագիտական կարողությունների և համակարգային բարեփոխումների մեջ։
Այս 5 տարիների ընթացքում հիմնադրամը իրականացրել է՝
- 55,000,000 ՀՀ դրամի ներդրում՝ ուղղված ՀՀ գիտակրթականմ առողջապահական և հետազոտական ծրագրերին,
- 100-ից ավելի շահառուների աջակցություն՝ աշակերտներ, ուսանողներ, երիտասարդ մասնագետներ, հետազոտողներ, մանկավարժներ,
- 10-ից ավելի ծրագրեր՝ ներառյալ կրթական, հետազոտական և կարողությունների զարգացման նախաձեռնություններ:
Հիմնադրամի գործունեությունը առաջնորդվում է Վահե Մելիքսեթյանի տեսլականով՝ կառուցել ուժեղ, գիտելիքահեն և անվտանգ ու արդյունավետ առողջպահական համակարգով Հայաստան:
Կարդացեք նաև
Վահե Մելիքսեթյան հիմնադրամը շնորհակալություն է հայտնում իր գործընկերներին, աջակիցներին և շահառուներին վստահության, համագործակցության և համատեղ այս ճանապարհն անցնելու համար՝ վերահաստատելով իր պատրաստակամությունը՝ շարունակելու իր առաքելությունը նոր ծրագրերով և ավելի մեծ ազդեցությամբ։
______________________________________________________________________________________________________
«Վահե Մելիքսեթյան» կրթաբժշկական հիմնադրամը ստեղծվել է 2021 թվականին՝ Հայաստանում կլինիկական դեղագիտությունը զարգացնելու նպատակով։ Հիմնադրամի առաքելությունն է կյանքի կոչել 2020 թվականի Արցախյան պատերազմում զոհված կլինիկական դեղագետ Վահե Մելիքսեթյանի մասնագիտական երազանքը։ 5 տարվա ընթացքում հիմնադրամը ավելի քան 55 միլիոն ՀՀ դրամի ներդրում է կատարել Հայաստանի կրթական և գիտահետազոտական ոլորտներում։
