«Թե′ քաղաքացիական անձինք ոստիկանությունում, թե′ նաև ոստիկանության մյուս ներկայացուցիչները ոստիկաններ են, որովհետև օպերատիվ աշխատանքի հնարավորություն ունեն և ունեն իրավունք քաղաքացիական համազգեստ կրելու։ Իրենք տեղում են եղել հասարակական կարգ ապահովելու տրամաբանության մեջ։ Օրենքով թույլատրվում է»,- լրագրողների հետ ճեպազրույցում հարցին՝ արդյոք թույլատրելի էր, որ Կաթողիկոսի հրաժարականը պահանջող հոգևորականներին, որոնք ցույց էին հրավիրել, քաղաքացիական հագուստով ոստիկաններ էին շրջափակել պաշտպանության նպատակով, այսպես պատասխանեց ՆԳ նախարար Արփինե Սարգսյանը։
Նախարարն ասաց, որ հասարակական կարգն ու անվտանգությունն ապահովելու գործառույթ էին կատարում․ «Միայն շղթա կազմելն ու հսկելը չէ։ Մայր Աթոռում ոստիկանությունը հասարակական կարգ ու անվտանգություն է ապահովել պատշաճ կերպով։ Եթե որևէ անձ գտնում է, որ եղանակը կամ մեթոդն ընդունելի չէ, իր իրավունքների հետ կապված խնդիր կա, կարող է դիմել ՆԳՆ»։
Ճեպազրույցն ամբողջությամբ՝ տեսանյութում
Կարդացեք նաև
Տաթև ՀԱՐՈՒԹՅՈՒՆՅԱՆ
