Երեկ Սուրբ Աննա եկեղեցում Նիկոլ Փաշինյանի հետ միջադեպ ունեցած դպրոցահասակ տղաներից մեկի՝ Դավիթի համար երեկ շտապ օգնություն են կանչել: Նրա վիճակն այնքան վատ է եղել, որ առաջարկ է ելել հոսպիտալացնել, Դավիթը հրաժարվել է: Այս մասին այսօր բողոքի ցույցի ժամանակ լրագրողներին ասաց տղաների փաստաբան Վարդուհի Էլբակյանը:
Նրա պատմելով՝ ինքը տղաներին այսօր էլ է տեսակցել, Դավիթը նույն ցավերն ուներ. «Դավիթի առողջական վիճակը այդքան էլ բավարար չէր»:
Ըստ փաստաբանի՝ տղաներին երեկ եկեղեցու բակից աղոթագրքերը ձեռքներին են ձերբակալել. «Առգրավել են աղոթագրքերը: Ձերբակալվածների պահման վայրում այսօր տեսակցության ժամանակ հարցրել եմ՝ ինչ եք ուզում, ասել են մեր աղոթագրքերը բերեք»:
Փաստաբանը մեծ հույս ունի, որ մեղադրանք չի առաջադրվի տղաներին: Իսկ արդյոք երեկ եկեղեցում տեղի ունեցածը սադրանք համարում է, թե ՞չի համարում, փաստաբանն առայժմ նախընտրեց լռել. «Սադրա՞նք էր և ո՞վ սադրեց այդ ամենը հույս ունենամ խոսելու առիթ չեմ ունենա, բայց եթե մեղադրանք լինի, վաղը այդ մասին հայտարարությամբ հանդես կգամ»:
Կարդացեք նաև
Ի դեպ՝ եկեղեցում Փաշինյանի թիկնապահներից մեկից հարված ստացած Դավիթը հարվածի հետ կապված դատաբժշկական փորձաքննության է ենթարկվել:
Այսօր փաստաբանի հետ բողոքի ցույցին մասնակցում էին նաև ձերբակալված եղբայրների դասընկերներն ու նրանց ծնողները:
«Թող մի պաշտոնյա, հենց Լուսինե Բադալյանը, մի հատ հանդիպում կազմակերպի տղաների հետ իր բոբիկ վիճակից ամոթով հետ կվերադառնա: Դավիթի գործողությունը անկանոն շարժման հետևանք է եղել, որովհետև Դավիթին հրելով՝ ծնոտին են խփել»,- լրագրողներին ասաց Դավիթի դասընկերոջ մայրը:
Արփինե ՍԻՄՈՆՅԱՆ
