«Սբ.Աննա եկեղեցու միջադեպից 2 ժամ անց տեղի է ունեցել ևս մեկ միջադեպ։ Դպրոցականը ձերբակալվել է», – ֆեյբուքյան ուղիղ եթերով պատմեց փաստաբան Ռուբեն Մելիքյանը, նշելով, որ Սբ․ Աննա եկեղեցու միջադեպից ժամեր անց Միքայելը ձերբակալվել է, 48 ժամ ձերբակալված մնալուց հետո՝ քիչ առաջ, ազատ արձակվել։
Մելիքյանի խոսքով՝ տղան դուրս է եկել աղբը թափելու, տեսել Փաշինյանի շարասյունը և թքել Փաշինյանի մեքենայի վրա։ Ռուբեն Մելիքյանը նախ հարց ուղղեց՝ արդյոք այդ պահին Փաշինյանի մեքենան պետական գործառո՞ւյթ էր իրականացնում, թե ոչ, Մելիքյանը նկատում է՝ քաղաքական գործառույթ է իրականացնում, իսկ այդ ավտոմեքենան հանիրավի առավելություն է այդ իրավիճակում։
Փաստաբանը տեղեկացրեց, որ երբ հարցրել են, թե ինչու է տղան նման բան արել, ասել է՝ թուրքը ծախել է մեր հողերը, ինչից հետո տղան ձերբակալվել է՝ խուլիգանության կասկածով։ Ընդ որում, խուլիգանություն է որակվել ոչ միայն թքելու փաստը, այլև՝ նրա արտահայտությունը։
Մանրամասները՝ Ռուբեն Մելիքյանի տեսանյութում
