ՆԳ նախարարի տեղակալ Արմեն Ղազարյանն ապրիլի 13-ին ընդունել է Համաշխարհային բանկի պատվիրակությանը՝ ֆինանսական կառավարման ավագ մասնագետ, Ծրագրի ղեկավար Ղուրամ Ֆարուքի գլխավորությամբ։
Արմեն Ղազարյանը բարձր է գնահատել Պետական հատվածի արդիականացման 4-րդ վարկավորման ծրագրի շրջանակում երկու կառույցների փոխգործակցությունը, որն ընդգրկում է բարեփոխումների լայն շրջանակ։
Կողմերը քննարկել են ՆԳՆ համակարգի թվայնացմանն ուղղված առանցքային ծրագրերը։ Անդրադարձ է կատարվել Օպերատիվ կառավարման կենտրոնի արդիականացմանը, ինչպես նաև Համայնքային ոստիկանության թվայնացման նախագծին, որի նպատակն է ապահովել ստորաբաժանումների լիարժեք տեխնիկական վերազինումն ու ինտեգրումը միասնական թվային համակարգին։ Կարևորվել է նաև հաշվառման-քննական ստորաբաժանումների թվային փոխակերպման գործընթացը։
Ղուրամ Ֆարուքը, բարձր գնահատելով նախարարության հետ ձևավորված արդյունավետ գործընկերությունը, պատրաստակամություն է հայտնել շարունակելու փոխգործակցությունը նշված ուղղություններով։
Կարդացեք նաև
Հանդիպման ավարտին հստակեցվել են ծրագրերի իմպլեմենտացման վերջնաժամկետները, ինչպես նաև նախանշվել են հետագա համագործակցության հեռանկարներն ու առաջնահերթությունները։
Ներքին գործերի նախարարություն
