Լրահոս
Օրվա լրահոսը

Արմեն Ղազարյանը Միգրացիայի 11-րդ միջազգային համաժողովին ներկայացրել է Հայաստանի միգրացիոն քաղաքականության առաջնահերթությունները

Նոյեմբեր 18,2026 20:22 Share
Աջակցեք aravot.am-ին

Ներքին գործերի նախարարի տեղակալ Արմեն Ղազարյանը Վիեննայում մասնակցել է Միգրացիայի 11-րդ միջազգային համաժողովին, որը համախմբել է տարբեր երկրների բարձրաստիճան պաշտոնյաների, միջազգային կառույցների ներկայացուցիչների և միգրացիայի ոլորտի փորձագետների։ Համաժողովի բացմանը տեսաուղերձով հանդես է եկել ԵՄ ներքին գործերի և միգրացիայի հարցերով հանձնակատար Մագնուս Բրունները։

Քննարկվել են փոփոխվող աշխարհաքաղաքական իրողությունների, տնտեսական վերադասավորումների, աշխատաշուկայի պահանջների և տարբեր այլ մարտահրավերների ազդեցությունը միգրացիոն գործընթացների վրա։

Համաժողովի շրջանակում կայացած պանելային քննարկման ընթացքում ՆԳ նախարարի տեղակալ Արմեն Ղազարյանը ներկայացրել է Հայաստանի միգրացիոն քաղաքականության առաջնահերթությունները և Եվրամիության հետ վիզաների ազատականացման շուրջ երկխոսության կարևորությունը։

Փոխնախարարն ընդգծել է, որ վիզաների ազատականացման գործընթացը Հայաստանի համար համապարփակ ինստիտուցիոնալ բարեփոխումների կարևոր շրջանակ է, որը նպաստում է միգրացիայի և սահմանների կառավարման համակարգերի արդիականացմանն ու կարողությունների ամրապնդմանը։

Արմեն Ղազարյանն անդրադարձել է Հայաստանի միգրացիոն քաղաքականությունը ձևավորող աշխարհագրական, պատմական, ժողովրդագրական և տնտեսական գործոններին՝ կարևորելով նաև հայկական սփյուռքի դերն ու տարածաշրջանում խաղաղության հաստատմանն ուղղված ջանքերը, այդ թվում՝ «Խաղաղության խաչմերուկ» նախաձեռնությունը։

Անդրադառնալով միջազգային և տարածաշրջանային զարգացումների ազդեցությանը Հայաստանի միգրացիոն հոսքերի վրա՝ փոխնախարարը ներկայացրել է փախստականների ընդունման, ինչպես նաև աշխատանքային միգրանտների, մասնավորապես՝ տեղեկատվական տեխնոլոգիաների ոլորտի մասնագետների ներհոսքի կառավարման փորձը։ Նա ընդգծել է, որ Հայաստանը միաժամանակ բախվում է միգրացիոն ոլորտի նոր մարտահրավերների, որոնց արդյունավետ արձագանքը պահանջում է համապարփակ և ճկուն մոտեցումներ։

Եզրափակելով ելույթը՝ Արմեն Ղազարյանը կարևորել է Հայաստան-ԵՄ երկխոսությունը՝ միգրացիայի կառավարման արդյունավետության բարձրացման, սահմանների կառավարման կարողությունների ամրապնդման և փոխադարձ վստահության խորացման տեսանկյունից։

ՀՀ ներքին գործերի նախարարություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Նոյեմբեր 2026
Երկ Երե Չոր Հնգ Ուրբ Շաբ Կիր
« Հոկ    
 1
2345678
9101112131415
16171819202122
23242526272829
30