Լրահոս
Օրվա լրահոսը

Վիզաների ազատականացման օրակարգով պայմանավորված՝ Արմեն Ղազարյանը հանդիպել է ավստրիացի գործընկերներին

Նոյեմբեր 19,2026 14:56 Share
Աջակցեք aravot.am-ին

Ներքին գործերի նախարարի տեղակալ Արմեն Ղազարյանն Ավստրիա կատարած այցի շրջանակում հանդիպումներ է ունեցել Ավստրիայի ներքին գործերի նախարար Գերհարդ Կարների և ՆԳՆ գլխավոր քարտուղար Անդրեաս Ախացի հետ։ Հանդիպումներին մասնակցել է նաև Ավստրիայում ՀՀ արտակարգ և լիազոր դեսպան Անդրանիկ Հովհաննիսյանը։

Հանդիպումների ընթացքում քննարկվել են ներքին գործերի բնագավառում հայ-ավստրիական համագործակցության զարգացման հեռանկարները։ Անդրադարձ է կատարվել միգրացիոն գործընթացների արդյունավետ կառավարմանը, սահմանների համալիր կառավարմանն ու մասնագիտական կարողությունների զարգացմանը վերաբերող հարցերի։

Արմեն Ղազարյանը ներկայացրել է Հայաստանի ներքին գործերի համակարգում իրականացվող բարեփոխումները՝ անդրադառնալով միգրացիայի և քաղաքացիության ոլորտում ծառայությունների արդիականացմանը, գործընթացների թվայնացմանը և նոր կենսաչափական համակարգի ներդրմանը։

Քննարկվել են նաև Հայաստանի և Եվրոպական միության միջև վիզաների ազատականացման գործընթացի շրջանակում իրականացվող աշխատանքները և այդ համատեքստում ավստրիական կողմի հետ համագործակցության ուղղությունները։

Հանդիպումների ընթացքում անդրադարձ է կատարվել նաև երկու երկրների համապատասխան ստորաբաժանումների միջև աշխատանքային կապերի ամրապնդմանը, փորձի փոխանակմանն ու վերապատրաստումների կարևորությանը։

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Նոյեմբեր 2026
Երկ Երե Չոր Հնգ Ուրբ Շաբ Կիր
« Հոկ    
 1
2345678
9101112131415
16171819202122
23242526272829
30