«Նոր ուժ» կուսակցության վարչապետի թեկնածու Հայկ Մարությանը ընտրություններում բարձր ցուցանիշների գրանցելու առումով ներքին համոզվածություն ունի, մանդատն էլ անպայման վերցնելու է:
«Մեր ուժն իր հետ բերում է մարդու իրավունքների պաշտպանություն, եվրոպականացում, ժողովրդավարության պաշտպանություն եւ այլն»,-լրագրողներին ասել է Մարությանը;
Նրա խոսքով՝ իրենց համար համագործակցության առումով կարմիր գծեր են «Հայաստան» դաշինքը՝ ի դեմս Ռոբերտ Քոչարյանի եւ ՔՊ-ն՝ ի դեմս Նիկոլ Փաշինյանի։ Մնացած ուժերի հետ համագործակցությունը Մարությանը չի բացառում` եթե իրենց ծրագրերը պահպանվեն «Եթե կոալիցիա պիտի կազմես մի ուժի հետ, ու դրա պատճառով դուրս գաս քո սկզբունքներից ու ծրագրերից, ապա իմաստ չկա այդ համագործակցության… չէ, որ մարդիկ մեզ իրենց ձայնը տալիս են մեր ծրագրերի համար, ոչ թե սիրուն աչքերի»։
Անդրադառնալով հարցին, թե հանրայինի եթերով բանավեճից իր հեռանալը իշխանությունները որակեցին փախուստ, Մարությանն այսպես արձագանքեց. «Դե իշխանությունը փախուստ է որակում արցախցիներին, որոնց Ադրբեջանը բռնի կեպով տարհանել է իրենց տարածքներից, ամեն ինչ իրենց պիտակներով ու պատկերացումներով են որակում։ Այնինչ ես հրավիրել եմ Նիկոլ Փաշինյանին բանավեճի դեմ առ դեմ, իրենք չեն եկել, թող ժողովուրդը որոշի՝ ով է փախել։ Այս խոսույթը, պիտակավորումները հենց այն է, ինչի դեմ մենք պայքարելու ենք խորհրդարանում»։
Կարդացեք նաև
Արփինե ՍԻՄՈՆՅԱՆ
Լուսանկարը՝ արխիվային
