Լրահոս
Օրվա լրահոսը

Երկու նետաձիգ կմեկնի աշխարհի պատանեկան առաջնություն

Օգոստոս 18,2017 17:27

Հայաստանի պատանի երկու նետաձիգներ՝ Արման Բալդիյանը եւ Լեւոն Պողոսյանը հոկտեմբեր ամսին Արգենտինայում կմասնակցեն աշխարհի պատանիների եւ երիտասարդների առաջնությանը, որտեղ խաղարկվելու են նաեւ 2018 թվականի պատանեկան օլիմպիական խաղերի ուղեգրեր:

Տղաներն ազգային հավաքականի գլխավոր մարզիչ Բորիս Վասիլյանի ղեկավարությամբ մեկ ամիս է՝ ուսումնամարզական հավաք են անցկացնում Մարտունիում գտնվող ԵԿՄ ճամբարում:

Բորիս Վասիլյանի խոսքերով, «Արմանն ու Լեւոնը վերջին շրջանում բավականին լավ արդյունքներ են ցույց տալիս, ինչը Արգենտինայում բարձր տեղեր զբաղեցնելու հույսեր է ներշնչում:

Սեպտեմբերի սկզբին երկու թիմով կմեկնենք Բաթում՝ մասնակցելու միջազգային մրցաշարի, այնտեղից՝ Թբիլիսի, որտեղ նույնպես միջազգային մրցաշար է լինելու: Վերադառնալուց հետո, հավանաբար, Սեւանի ավազանում սեպտեմբերի 14-ին կտանք «Հայկի նետեր» ավանդական միջազգային մրցաշարի մեկնարկը, որին մասնակցելու հայտ ներկայացրել են Վրաստանի՝ երկու, Ղազախստանի, Ղրղզստանի եւ Յակուտիայի մեկական թիմեր:

«Հայկի նետերը» նաեւ լավ փորձամրցում կլինի աշխարհի առաջնություն մեկնող տղաների համար: Աշխարհի առաջնության նախապատրաստության վերջին փուլը կանցկացնենք Էջմիածնում: Մարզումները կկազմակերպենք գիշերվա ժամերին, որպեսզի Արգենտինայում տղաները հեշտ հարմարվեն ժամային մեծ տարբերությանը»:

Աշոտ ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2017
Երկ Երե Չոր Հնգ Ուրբ Շաբ Կիր
« Հուլ   Սեպ »
 123456
78910111213
14151617181920
21222324252627
28293031