Հրազդանի քաղաքապետի ընտրությունների վերաբերյալ պաշտոնական տվյալներ դեռ չկան, սակայն Panorama.am-ից տեղեկանում ենք, որ թիվ 25 ընտրատարածքի բոլոր 27 ընտրատեղամասերի քվեարկության արդյունքներն արդեն ամփոփվել են. նախնական արդյունքներով` Հրազդանի քաղաքապետի ընտրություններում հաղթել է գործող քաղաքապետ Արամ Դանիելյանը: Ըստ նախնական տվյալների` Արամ Դանիելյանը հավաքել է 13 100 ձայն, Սասուն Միքայելյանը՝ 11 500 ձայն:
Նշենք, որ Հրազդանի քաղաքապետի ընտրություններում գրանցվել է ընտրողների 57.9 տոկոս մասնակցություն. 43.874 ընտրողներից քաղաքապետի ընտրությանը մասնակցել է 25 386 մարդ։
