Google Glass-ը կատարելագործման շեմին է: Կորեացի գիտնականներն աշխատում են կոնտակտային լինզաների վրա, որոնք կարող են դառնալ Google Glass-ի այլընտրանքը: Ինչպես հայտնի է դարձել, նանոնյութերի ոլորտում նորագույն նվաճումների օգնությամբ գիտնականները հույս ունեն սովորական կոնտակտային լինզաները դարձնել ավելի ֆունկցիոնալ, այս մասին հայտնել է Vesti.ru-ն Մշակումը փորձարկվել է ճագարների վրա, որոնց աչքերը իրենց չափով մոտ են մարդու աչքերին: Նրանց մոտ գրգռվածություն չի առաջացել: Հետագայում լուսադիոդը կարող է փոխարինվել դիսփլեյով:
Google Play խանութում հայտնվել է վիրտուալ ստեղնաշար, որը գործում է Android օպերացիոն համակարգով ու մշակվել է Google ընկերության կողմից, այս մասին հաղորդել է Android ընկերությունը՝ Google+ սոցիալական ցանցում: Հայտնում է lenta.ru-ն:
Ստեղնաշարն անվճար է, և այն հնարավոր է տեղադրել Android 4.0 բազայի հիմքով սմաթֆոնների և պլանշետների վրա: Ծրագիրը, սակայն, հասանելի է միայն անգլիալեզու երկրներում: Այլ տարածաշրջանների համար այն խոստանում են ավելի ուշ թողարկել:
Կարդացեք նաև
Չնայած Google Chrome-ի և մյուս բրաուզերների հաջողությունների՝ Microsoft-ը չի հուսահատվում և շարունակում է առաջ մղել իր Internet Explorer բրաուզերը: Ընկերությունն ուսումնասիրել է տարբեր բրաուզերներով համակարգիչների էլեկտրոէներգիայի ծախսը և պարզել է, որ Internet Explorer-ի օգտագործումը տնտեսում է էլեկտրոէներգիան և թույլ է տալիս պահպանել բնությունը, հայտնել է Vesti.ru-ն: Պարզվել է, որ Windows 8 օպերացիոն համակարգով սարքեր առավել շատ էլեկտրաէներգիա են ծախսում, երբ օգտագործում են Firefox կամ Chrome բրաուզերները, քան Internet Explorer-ի օգտագործման դեպքում է:
Փոփոխություններ կան նաև Facebook-ում: Սոցցանցի խաղերի գլխավոր մատակարար Zynga-ն աշխատանքից կհեռացնի անձնակազմի 18 տոկոսին: Աշխատանքը կկորցնի 520 մարդ, լուրը փոխանցել է Lenta.ru-ն: Կրճատումների մասին տեղեկության հայտնվելուց հետո Zynga-ի բաժնետոմսերի արժեքն ընկել է 12 տոկոսով՝ մեկ բաժնետոմսի դիմաց հասնելով 2.99 դոլարի: Zynga-ի աշխատակազմի կրճատումները տեղի են ունենում սոցցանցի հետ էքսկլյուզիվ գործընկերության դադարեցման ֆոնին: Նոր համաձայնագրով, որ ներկայում գործում է ընկերությունների միջև, Zynga-ի կարգավիճակը հավասարեցվել է մյուս մշակողներին:
Intel ընկերությունը ներկայացրել է աշխարհում ամենաարագ ֆլեշ կրիչը: Այն ունի 128 գեգաբայթ ծավալ, և տեղեկատվությունների փոխանցման արագությամբ գերազանցում է մյուսներին, հայտնել է scitech-news.ru-ն: Աղբյուրի փոխանցմամբ՝ այժմ կա միայն ֆլեշ կրիչի նախատիպը, և դեռ հայտնի չէ՝ այն կլինի՞ արդյոք խանութներում, թե՝ ոչ:
Տիգրանուհի Թասլակյան
