Այսօր Գյումրիում Հռոմի պապի ներկայացուցիչ, Արեւելյան կաթողիկէ եկեղեցիների ժողովի նախագահ, կարդինալ Լեոնարդո Սանդրիի նախագահությամբ եւ Տանն Կիլիկիո Հայոց կաթողիկոս Պատրիարք Գրիգոր Պետրոս 20-րդի համանախագահությամբ տեղի ունեցավ «Սրբոց նահատակաց» առաջնորդանիստ նորակառույց եկեղեցու օծումը, որին մասնակցում էր նաեւ ՀՀ նախագահ Սերժ Սարգսյանը, սփյուռքի նախարար Հրանուշ Հակոբյանը, ՀՀԿ-ականներ, կաթողիկե համայնքը ղեկավարող գյուղապետեր, արտակարգ եւ լիազոր դեսպաններ, միջազգային բարեգործական կազմակերպությունների ներկայացուցիչներ:
Գյումրիում, ինչպես միշտ, նախագահի հետ լրագրողներին շփվելու ոչ մի հնարավորություն չտրվեց: Նախքան նրա Գյումրի ժամանելը, հավատարմագրված լրագրողների փաստաթղթերը ու պայուսակների պարունակությունը ստուգելիս, նախազգուշացնում էին, որ հարցազրույց նախատեսված չէ:
Այդուհանդերձ լրագրողներն ականատես եղան ուշագրավ մի դրվագի: Եկեղեցու՝ մոտ 2-2,5 ժամ տեւած օծումից հետո, երբ նախագահը դուրս եկավ փողոց հեռանալու, հրաժեշտ տալու ժամանակ առանձնացավ Գյումրու քաղաքապետ Սամվել Բալասանյանի հետ ու ի ցույց բոլորի, այդ թվում նկարահանող լրատվամիջոցների, փողոցի մեջտեղում խիստ ու բարկացած հայացքով առանձնազրույց ունեցավ Գյումրու քաղաքապետի հետ:
Սա տեւեց մոտ 7-8 րոպե, լրագրողները հետաքրքրությունից դրդված՝ մեկը մյուսին հարցնում էին՝ «Տեսնես ի՞նչ խոսեցին, ինչո՞ւ էր այդպես բարկացած նախագահը, նկատողությո՞ւն էր տալիս»: Լրագրողներից մեկը նույնիսկ կատակեց. «Չլինի՞ մյուս ընտրություններին նոր քաղաքապետ ունենանք»:
Կարդացեք նաև
Որեւէ հնարավորություն չեղավ առանձնազրույցի մասին հարցնել գոնե Գյումրու քաղաքապետին. նախագահի հեռանալուց հետո բոլորը մի մարդու պես վայրկենաբար հեռացան:
Նունե ԱՐԵՎՇԱՏՅԱՆ
ֆինական կլիզմա?ուշացած է ,բայց տեղին հաստատ
Հա եթե չգիտես ինչու՞ է զայրացել, ինչու՞ ես նման հոդված գրել, աղջիկ ջան:
Քազաքապետը հաստատ ավելի շատ օգուտ է տվել Գյումրիին քան Նախագահը, խոսելու տեղ չունի:
Պաղ պզին բալասանյանին, վախտն է, տռզել է արդեն,գործ չի էրել քաղքի մեջ, հմի էլ ուրիշ աֆերիստություն կենե՝տուֆով փողոց յանի կշինե, ու տուֆի թոզը գյումրեցոնց շնչել կուդա, վով է տեսել քյասիբների մազերը կտրել տա քրոջ աղջկա դալլաքնոցում, ու լողծնե քաղաքապետարանի բաղնիքում, էրկու գործի հմար փող դուրս գրե ամեն ամիս բուջեից,անունն էլ բարեգործություն դնե, օղուլ, էս ում հասավ սարի պես քաղաքս, հայ-հայյյյյյյյյյյյ, կըսեր Ֆրունզս
Սերժ Սարգսյանն էլ ընդունեց, որ սխալ մարդու է վստահել Գյումրի քաղաքը:Լավ է ուշ քան երբեք:Երկար բոյը կառնի կկանգնի ժողովրդի դեմ ու ոչինչ չունի ասելու, որովհետև ոչնչից տեղյակ չէ ,թե ինչ կկատարվի քաղաքում:Ամեն մի պաշտոնյայից մի-մի բարեկամ ընդունել է քաղաքապետարանում աշխատանքի բերանները փակել ու ինչ ուզում է անում է:ՈՒշքն ու միտքը այն է թե ոնց կուտակի բանկում բացված իր սեփական հաշիվը:Քաղաքի ժողովրդի հաշվին արագ հարստացավ: Քաղաքում սնկի նման սկսել է աճել բալասանյանի օբյեկտները: Այ թե ինչով է զբաղված չսիրված քաղաքապետը:Ինչպես պիտի ուղղի իր սխալը նախագահը, որ քաղաքի ժողովուրդը չտուժի: