Հունվարի 21-ին, ոստիկանության բռնություններից տուժած և այլ ՀՀ քաղաքացիներ նամակներ են հանձնելու Հայաստանում գտնվող ԱՄՆ-ի, Մեծ Բրիտանիայի, Ռուսաստանի Դաշնության, Ֆրանսիայի և Գերմանիայի դեսպանություններին, ինչպես նաև ՄԱԿ-ի, Եվրոպական միության և ԵԱՀԿ-ի ներկայացուցչություններին: Քաղաքացիներն ակնկալում են դիվանագիտական ներկայացուցչությունների միջամտությունը՝ քաղբանտարկյալներ Գևորգ Սաֆարյանի և Հայկ Կյուրեղյանի կյանքին սպառնացող վտանգը չեզոքացնելու համար նրանց քրեական աշխարհի ներկայացուցիչների հետ նույն խցերում չտեղավորելու, ինչպես նաև Գևորգ Սաֆարյանին Հյուման Ռայթս Ուոչ-ի պաշտոնական հայտարարության համաձայն ազատ արձակելու հարցերում:
Առդիր՝ նամակի բովանդակությունը
2013 թ. սեպտեմբերի 3-ից հետո, օգտվելով Եվրասոցացման ծրագրից հրաժարվելու և Եվրասիականության ուղին որդեգրելու հետևանքով ստեղծված նպաստավոր պայմաններից, Սերժ Սարգսյանի ռեժիմը կտրուկ կերպով ուժեղացրեց ճնշումները ընդդիմության և իր կողմից չվերահսկվող հասարակական կազմակերպությունների նկատմամբ:
Զուգահեռաբար՝ սկիզբ դրվեց ՀՀ Սահմանադրությունը փոխելու միջոցով Սերժ Սարգսյանի և նրա կուսակցության իշխանությունը հավերժացնելու ծրագրի իրականացմանը, որն ավարտվեց 2015 թ. դեկտեմբերի 6-ին տեղի ունեցած հանրաքվեի արդյունքների զանգվածային կեղծման միջոցով այդ ցանկալի սահմանադրության ընդունմամբ:
Կարդացեք նաև
Ուստի այդ ճնշումներն ու բռնությունները նոր՝ շատ ավելի բարձր, մակարդակի հասան 2015 թ. դեկտեմբերի 6-ին կայացած սահմանադրական հանրաքվեի ընթացքում և դրանից հետո՝ դրսևորվելով ընտրությունների կեղծված արդյունքների դեմ բողոքող քաղաքական ակտիվիստների ծեծով ու բռնություններով, որոնց գագաթնակետը դարձավ 2015 թ. դեկտեմբերի 31-ից 2016 թ. հունվարի 1-ի գիշերը բողոքող երիտասարդության առաջամարտիկ Գևորգ Սաֆարյանի անհիմն և ապօրինի կալանավորումը:
Վարչախմբի կողմից մարդու իրավունքները ոտնահարելու գործելակերպի որդեգրումը, մասնավորապես, հիմնավորվում է այն հանգամանքով, որ Գևորգ Սաֆարյանին ազատ արձակելու մասին ՀՀ դատախազին հասցեագրված Հյուման Ռայթս ՈՒոչ-ի պահանջի նկատմամբ իշխող Հանրապետական կուսակցության պատգամավորական խմբակցության անդամները հրապարակայնորեն հանդես եկան քամահրական և լկտի հայտարարություններով, իսկ Գևորգ Սաֆարյանի նկատմամբ բանտում քրեական բանտարկյալների միջոցով սկսվեց հոգեբանական և ֆիզիկական ահաբեկման գործընթաց, որը սպառնում է ոչ միայն նրա առողջությանը, այլև կյանքին:
Մարդու իրավունքների պաշտպանության վիճակն այնքան անելանելի է դարձել, որ Հայաստանի Մարդու իրավունքների պաշտպանը, անօգնական զգալով իրեն այդ ինստիտուտի գործառույթներն իրականացնելու գործում, ստիպված հրաժարական տվեց:
Ստեղծված պայմաններում մենք ակնկալում ենք Ձեր միջամտությունը Գևորգ Սաֆարյանի կյանքի և առողջության նկատմամբ բանտում ոտնձգությունները դադարեցնելու և նրան ազատ արձակելու նպատակով ՀՀ իշխանություններին «Հյուման Ռայթս ՈՒոչ»-ի պահանջի իրականացման հարցում:
Խնդրում ենք նաև միջամտել քրեական բանտարկյալներից զերծ խցում տեղավորելու վերաբերյալ քաղբանտարկյալ Հայկ Կյուրեղյանի պահանջի կատարման հարցում: Իր կյանքին և առողջությանը սպառնացող ռեալ սպառնալիքից խուսափելու նպատակով Հայկ Կյուրեղյանը այդ պահանջով հացադուլից հետո արդեն չորրորդ օրն է՝ նաև ջրադուլ է հայտարարել, իսկ այդ գերծայրահեղ միջոցը մոտալուտ վտանգ է նրա կյանքի համար:
«Իրավունք և աջակցություն» հիմնադրամ
Գևորգ Սաֆարյանի մասին ասելիք չունեմ:
Չափազանց անհամակրելի տղայ մըն է, սակայն անհամակրելիութիւնը օրինապէս ոճիր չէ այս աշխարհին մէջ, հետեւաբար մի քիչ դժվար է արդարացնել իր երկարատեւ բանտարկութիւնը:
Սակայն Հայկ Կյուրեղյանի պարագային, գանգատները անհասկնալի են:
Մարդ պէտք է որ ընդունի իր արաքների հետեւանքները:
Իսկ ահա ձեզի մի բաղդատական՝ վերջերս, ԱՄՆ-յում, մի երեխայ խաղալիքէ ատրճանակ բարձրացուց ոստիկանի վրայ, եւ հետեւաբար՝ ոստիկանը զայն սպանեց: անմիչապէս կրակեց, եւ սպաննեց:
Եւ հաստատուեցաւ որ ոստիկանը օրինապէս իրաւասու էր այդպէս ընելու:
https://www.youtube.com/watch?v=mSCftESyKyU
https://www.theguardian.com/us-news/video/2014/nov/26/cleveland-video-tamir-rice-shooting-police
https://www.nytimes.com/2015/12/29/us/tamir-rice-police-shootiing-cleveland.html?_r=0
Եւ դուք ԱՄՆ-ի դեսպանատա՞ն կը դիմէք, այս նիւթով…
Այս տեղեկութիւնը փոխանցեցէք Հայկին, որ մի քիչ մխիթարվի, նոյնիսկ անդրադառնայ թէ որքան բախտաւոր եղած է ինք: