«Չեմ կարծում, թե պետք է հետ կանչել նրան: Նա ոչինչ չի անում, թող մնա, ի՞նչ մի խանգարող հանգամանք է դա: Ոչ օգնելու է, ոչ էլ խանգարելու»,-«Արմենպրես»-ում այսօր լրագրողների հետ հանդիպմանն անդրադառնալով Բելառուսի կողմից բլոգեր Ալեքսանդր Լապշինի արտահանձնման առնչությամբ երեկ ԱԺ-ում հնչած՝ Բելառուսում ՀՀ դեսպան Արմեն Խաչատրյանին հետ կանչելու կոչերին, ասաց ՀՀ առաջին օմբուդսման, իրավապաշտպան Լարիսա Ալավերդյանը:
«Իր հարցազրույցը լսելով՝ քիչ է մնում դեսանտ իջեցնենք, որ օգնի իրեն աշխատել»,-հեգնեց Լարիսա Ալավերդյանը:
Ինչ վերաբերում է ՀՀ-ի՝ ՀԱՊԿ-ի անդամակցությունը սառեցնելուն, նրա խոսքով. «Նման հարցերի դեպքում ՀԱՊԿ-ի պայմանագրերը ոչ միշտ են գործում. «Ոչ թե պետք է դուրս գալ ՀԱՊԿ-ից, այլ պահանջ դնել, որ քննարկվի Բելառուսի՝ ոչ վայել պահվածքի դրսեւորումը»:
Մանրամասն ՝ տեսանյութում
Կարդացեք նաև
Լուիզա ՍՈՒՔԻԱՍՅԱՆ
