ՀՅԴ-ն կողմնակից է Արցախը ՀՀ-ին միացնելու գաղափարին: Այս մասին այսօր ՀՅԴ նախընտրական ծրագրի ներկայացման ժամանակ ասաց ՀՅԴ Հայ Դատի եւ քաղաքական հարցերի գրասենյակի պատասխանատու Կիրո Մանոյանը: Նրա փոխանցմամբ, ըստ ՀՅԴ նախընտրական ծրագրի, կարեւոր է ՀՀ-ի եւ Արցախի միջեւ ռազմաքաղաքական գործակցության ամրապնդումը պայմանագրային մակարդակով. «Բանակի հզորացումը կլինի, երբ այն դառնա ողջ ժողովրդի հոգատարության առարկան»:
Կիրո Մանոյանը նշեց՝ ՀՅԴ-ն ռուսամետ կամ եվրոպամետ չէ, այլ հայամետ. «Մեր արտաքին քաղաքականության ուղղություններից է՝ Սփյուռքին հնարավորինս մասնակից դարձնել ՀՀ-ի կյանքին: Քաջալերենք, որ տեղի ունենա հայրենադարձություն»: Կիրո Մանոյանի բնորոշմամբ` կարեւոր է նաեւ Վրաստանի հետ հարաբերությունների խորացումը. «Դա կարեւոր է՝ Ջավախքում բնակվող հայերի քաղաքացիական իրավունքների տեսանկյունից: Պետք է գործենք ի նպաստ Ջավախքի հայության իրավունքների»:
Լուիզա ՍՈՒՔԻԱՍՅԱՆ
Կարդացեք նաև
