Ռուսաստանի արդարադատության նախարարությունից հաստատել են, որ Հայաստանի հետ բանակցություններ են ընթանում՝ Գյումրիում Ավետիսյանների ընտանիքի սպանության մեջ մեղադրվող ռուսական ռազմաբազայի զինծառայող Վալերի Պերմյակովի պատժի կրման վայրը փոխելու շուրջ։ Այս մասին հաղորդում է «Ինտերֆաքսը»։
«Դատապարտյալ Պերմյակովի հնարավոր տեղափոխման հարցն այս պահին քննարկվում է Ռուսաստանի և Հայաստանի արդարադատության նախարարությունների միջև»,- ասել են գործակալությանը գերատեսչության մամուլի ծառայությունից։
Գերատեսչությունից, սակայն, նշել են, որ առայժմ վաղ է խոսել արտահանձնման որոշման կամ հնարավոր ժամկետների մասին։
Ավելի վաղ «Ինտերֆաքսը», վկայակոչելով Հայաստանի արդարադատության նախարարության իր աղբյուրը, գրել էր, որ Հայաստանում քննարկում են Պերյմակովի պատժի կրման վայրը փոխելու հարցը:
Կարդացեք նաև
Պատրաստեց Վիկտորյա ԱՆԴՐԵԱՍՅԱՆԸ
