Պուերտո Ռիկոյից եկած այս նրբահամ կոկտեյլը աշխարհում ամենատարածված 20 կոկտեյլների շարքում է: Եթե ժամանակին այն կարելի էր համտեսել միայն բարերում, ապա հիմա ոչ մի դժվարություն չի ներկայացնում տան պայմաններում պատրաստելը: Դրա համար մեծ ջանքեր կամ ներդրումներ պետք չեն: Այս կոկտեյլը կիրակի երեկոն ավարտելու հրաշալի տարբերակ է:
Անհրաժեշտ մթերքները
Արքայախնձորի (անանասի) հյութ- 120 մլ
Կոկոսի կաթ կամ կոկոսի սերուցք- 60 մլ
Կարդացեք նաև
Սպիտակ ռոմ- 90 մլ
Սառույց- մի քանի կտոր
Պատրաստման եղանակը
Այս կոկտեյլը պատրաստելու համար բացի վերը նշված մթերքներից պետք է նաեւ կոտորակիչ (բլենդեր):
Կոկոսի կաթը խանութից գնելիս կարող է «կտրված» լինել՝ սերուցքն ու ջուրն առանձնացված, հոգ չէ, պարզապես գդալով խառնեք: Բոլոր մթերքները լցրեք բլենդերի տարայի մեջ՝ սառույցն էլ հետը, եւ 1-2 րոպե մեծ արագությամբ հարեք: Լցրեք մեծ բաժակների մեջ (highball): Կարող եք զարդարել արքայախնձորի շերտով:
Այս կոկտեյլը մատուցում են նաեւ կոկոսի կեղեւի կամ անանասի մեջ լցրած, բայց դա արդեն պուերտոռիկյան հաճույք է: Սովորական բաժակով էլ է շատ համեղ:
Բարի ախորժակ:
Պատրաստեց Մելանյա ԲԱՐՍԵՂՅԱՆԸ
