«5-րդ ալիք» հեռուստաընկերության սեփականատեր Արմեն Թավադյանի խափանման միջոցն այսօր Վերաքննիչ քրեական դատարանը թողեց նույնը: Դատարանը քննում էր Թավադյանի պաշտպանների բողոքը, որով նրանք բողոքարկել էին առաջին ատյանի որոշումը՝ Թավադյանին կալանավորելու մասին:
Այս նիստին ներկա չէր Արմեն Թավադյանը. Այս մասին լրագրողներին նիստից հետո հայտնեց նրա պաշտպան Հովհաննես Խուդոյանը:
Նշենք, որ Թավադյանի պաշտպանը միջնորդություն էր ներկայացրել գրավով փոխարինել նրա կալանքի միջոցը:
Խուդոյանն այսօր լրագրողների հետ զրույցում ասաց՝ կանխատեսում էին նման դատական ակտ: Պաշտպանը վստահեցրեց՝ բողոք են ներկայացնելու եւ Վճռաբեկ դատարան, եւ Եվրոպական դատարան:
Կարդացեք նաև
Արմեն Թավադյանը մեղադրվում է մարտի 1-ի դեպքերից տուժած անձանց կաշառելու փորձի համար: Ըստ ՀՔԾ-ի, Թավադյանը ձերբակալվել էր Ռոբերտ Քոչարյանի ենթադրյալ աջակից Վարուժան Մկրտչյանին առնչվող քրեական գործի շրջանակներում, ՀՀ քրեական օրենսգրքի 340-րդ հոդվածի 4-րդ մասի 1-ին կետով նախատեսված հանցավոր արարք կատարելու կասկածանքով:
Նելլի ԲԱԲԱՅԱՆ
