Գյումրու ՏԻՄ ընտրություններին կմասնակցի նաև ԲՀԿ կուսակցությունը։ Ավագանու ցուցակը կգլխավորի Գյումրու ներկայիս ավագանու ԲՀԿ-ական անդամներից մեկը՝ Անդրանիկ Խաչատրյանը։
Aravot.am-ին այս մասին տեղեկացրեց հենց Անդրանիկ Խաչատրյանը՝ նշելով, որ ԲՀԿ-ի ավագանու ցուցակը բաղկացած կլինի 34 թեկնածուներից, այնտեղ ընդգրկված կլինեն Գյումրիում հայտնի դեմքեր, ավագանու ներկայիս անդամներ։
Անդրանիկ Խաչատրյանը Շիրակի մարզպետարանի քաղաքաշինության վարչության նախկին պետ, ԲՀԿ-ական Արտաշես Սարգսյանի փեսան է։ Նրանց ընտանիքին է պատկանում «Պեգաս» խանութների ցանցը։
Հիշեցնենք, որ Ազգային Ժողովի նախկին ԲՀԿ-ական պատգամավոր, Գյումրու ԲՀԿ կառույցի պատասխանատու Վարդևան Գրիգորյանը չի մասնակցելու Գյումրու ՏԻՄ ընտրություններին։
Կարդացեք նաև
«Չեմ մասնակցելու Գյումրու ՏԻՄ ընտրություններին ոչ մի կարգավիճակով՝ ո՛չ որպես քաղաքապետի, ո՛չ էլ որպես ավագանու անդամի թեկնածու, համամասնական ցուցակում չեմ ընդգրկվելու»,-մեզ հետ զրույցում ասել էր Վարդևան Գրիգորյանը։
Նունե ԱՐԵՎՇԱՏՅԱՆ