Ամերիկյան կողմի և հավաքական Արևմուտքի արձագանքները կարո՞ղ են զսպել ադրբեջանական ագրեսիան՝ հարցադրմանն ի պատասխան՝ «Հենակետ» վերլուծական կենտրոնի փորձագետ Շիրազ Խաչատրյանը նկատեց, որ դրանք կարող են արդյունավետ լինել, եթե չլինեն ձևական ու չկրեն դեկորատիվ բնույթ:
«Վերջին թարմ օրինակը բերեմ. ԵՄ դիվանագիտության ղեկավար Ժոզեպ Բորելը հայտարարում է, թե հայկական կողմից ադրբեջանցի զինվորների ուղղությամբ կրակոցների արձակումը ցավալի էր, բայց Ադրբեջանն անհամաչափ է արձագանքել։ Փոխանակ Ադրբեջանին հստակ մատնացույց անելու, խիստ դատապարտելու խոսքեր հնչեցվեն՝ ԵՄ-ն, նաև ԱՄՆ-ը ամեն անգամ աչք են փակում Ադրբեջանի գործողությունների վրա»,- նշեց զրուցակիցը:
Ըստ նրա՝ Բաքուն Անկարայի հետ ներդաշնակ է համագործակցում, և գոնե այս պահին Թուրքիան և Ադրբեջանը լայնածավալ ռազմական գործողությունների ռիսկերը, դրանց հետևանքներն իրենց վրա լավ հաշվարկում են:
«Նախ ադրբեջանական բանակը դեռևս վերականգնման փուլում է, երկրորդ, նրանք դեռևս չեն մարսել Արցախի հայաթափման ամբողջ գործընթացը: Թուրքիան ռազմատեխնիկական, տնտեսական նոր համագործակցություններ է ձեռք բերել ԱՄՆ, Եվրոպայի հետ: Ադրբեջանին ևս անհրաժեշտ է Արևմուտքը՝ իր էներգետիկ ռեսուրսների սպառման տեսանկյունից: Օրինակները շատ են, բայց եթե կարճ՝ եթե արևմտյան արձագանքները չկրեն ձևական բնույթ, ապա Թուրքիայի և Ադրբեջանի ձեռքերը շատ չեն երկարի»,- պարզաբանեց Շիրազ Խաչատրյանը:
Կարդացեք նաև
Զարուհի ԴԻԼԱՆՅԱՆ
Հոդվածն ամբողջությամբ՝ «168 ժամ» շաբաթաթերթի այս համարում
