Հանրապետության նախագահ Վահագն Խաչատուրյանը եռօրյա աշխատանքային այցով մեկնել է Սյունիքի մարզ։
Այցի մեկնարկին Հանրապետության նախագահի գլխավորությամբ տեղի է ունեցել խորհրդակցություն, որին մասնակցել են Սյունիքի մարզպետ Ռոբերտ Ղուկասյանը, Տարածքային կառավարման և ենթակառուցվածքների նախարար Դավիթ Խուդաթյանը, ուժային կառույցների ներկայացուցիչներ և մարզի համայնքների ղեկավարներ։
Խորհրդակցության ընթացքում Սյունիքի մարզպետը զեկուցել է մարզում իրականացվող ոլորտային ծրագրերի ընթացքը, արձանագրված առաջընթացն ու առկա խնդիրները, ինչպես նաև վերջիններիս հաղթահարման ուղղությամբ ձեռնարկվող միջոցառումները։ Նախարար Դավիթ Խուդաթյանը ներկայացրել է ՀՀ կառավարության կողմից Սյունիքի մարզում նախաձեռնված և ընթացքի մեջ գտնվող ծրագրերն ու նախագծերը։
Հանրապետության նախագահը խորհրդակցության մասնակիցներից հետաքրքրվել է մարզում տիրող ընդհանուր իրավիճակով, այդ թվում՝ սոցիալ-հոգեբանական մթնոլորտով, որի վերաբերյալ զեկուցումներով հանդես են եկել ուժային կառույցների ներկայացուցիչները և համայնքների ղեկավարները։
Կարդացեք նաև
Խորհրդակցության ավարտին նախագահ Խաչատուրյանը պատասխանել է մարզային իշխանության ներկայացուցիչների կողմից բարձրացված հարցերին՝ անդրադառնալով երկրի ներքին և արտաքին քաղաքական առաջնահերթություններին, հայտնում է ՀՀ նախագահի աշխատակազմը:
Ըստ նախագահականի տարածած տեսանյութի` Խաչատուրյանը հայտարարել է, որ Սյունիքը Հայաստանի զարգացման դարպասն է դառնալու հետագա զարգացման համար. «Եթե մենք կարողանում ենք Սյունիքի դարպասները բացել, ես ի նկատի ունեմ 43 կմ հնարավորությունները, ուրեմն իսկապես վստահ եղեք, որ ապագան զարգացման առումով, շատ մեծ հնարավորություններ է տալու մեզ»։
Դուք ուր, զարգացումը ուր: Միայն քանդում եք, ‘սկսում զրոյից’, ‘նշաձողերը իջեցնում’, որ արածներդ ‘զարգացումի’ տակ ծախվի:
Սյունիք, ՀՀ զարգացման դարպաս, …: Դուք ուր, զարգացում ասածը ուր: Էլ չեմ ասում ‘վստահ եղեք’-ը` 7 տարի է ստից ու մանիպուլիացիայից դեն այլ մեթոդներ չտեսանք: Հիմա՞ր ենք, որ վստահենք: Խեղճ մարդ…