«Հայացքն Արցախին» հաղորդման հյուրը ժողովրդական երգիչ, ՀՀ վաստակավոր արտիստ Արսեն Գրիգորյանն է։ Ծնվել է Սիրիայի Ղամիշլի քաղաքում։ 1987 թվականին վերադարձել է Հայաստան։ Արցախում 1989 թվականին է եղել, շրջել գյուղերով ու մարդկանց իր զորակցությունը հայտնել։
Արցախը երբեք չի առանձնացրել, իր ամբողջական հայրենիքի մի հատվածն է համարում, որտեղ շատ է եղել ու բազմաթիվ նախագծեր է իրականացրել։ Հիմա իր առաքելությունն է համարում ժողովրդի մեջ արթնացնել այն ամենը, ինչը դարերից եկել ու հասել է մեզ։ Չի հուսալքվում, քանի որ հավատում է` ձախորդ օրերը ձմռան նման կուգան ու կերթան։
