ՀԱԿ վարչության անդամ Արմեն Խաչատրյանի ֆեյսբուքյան գրառումը
Որովհետեւ Նիկոլ Փաշինյանի գործողությունները Հայ Առաքելական Եկեղեցու դեմ արդեն իսկ դուրս են եկել օրենքի և սահմանադրականության դաշտից: Նա բացահայտորեն միջամտում է եկեղեցու ներքին գործերին, պահանջում է կաթողիկոսի հրաժարականը, կազմակերպում է «բարեփոխումների» խորհուրդներ և հրապարակայնորեն վարկաբեկում է հոգևոր առաջնորդներին՝ առանց որևէ իրավական հիմքի: Սա ոչ թե բարեփոխում է, այլ պետական մակարդակով հարձակում մեր ազգային ինքնության և հոգևոր սյունի վրա:
Միաժամանակ ընդդիմադիրների նկատմամբ բռնաճնշումները՝ ձերբակալություններ, քրեական գործեր և հետապնդումներ (այդ թվում՝ հոգևորականների և քաղաքական գործիչների), վաղուց դուրս են եկել ժողովրդավարական սկզբունքների շրջանակներից: Այս ամենը տեղի է ունենում 2026-ի ընտրություններից առաջ՝ ստեղծելով վախի մթնոլորտ և մաքրելով դաշտը իշխանության համար:
Նիկոլը չի էլ թաքցնում իր նպատակը՝ հրապարակային ելույթներում ուղղակիորեն հայտարարում է, որ ցանկացած «խոչընդոտ» (լինի դա եկեղեցի, թե ընդդիմություն) պետք է վերացվի «պետության գոյատևման» անվան տակ: Սա ոչ թե ղեկավարի, այլ բացառապես իշխանությունը պահպանելու և ռեժիմը երկարացնելու տրամաբանություն է:
Կարդացեք նաև
Սա արդեն ոչ միայն քաղաքական, այլև գոյաբանական հարց է՝ մեր ինքնության, արժեքների և ազատության մասին: Ուրեմն ի գործ՝ օրենքի գերակայության, ազգային ինքնությյան պահպանման և իսկական ժողովրդավարության համար:
