«Հայաստանի բեռնատարը, որ կանգնած է Լարսում, դա ուղղակի բեռնատար չէ, դա Հայաստանի տնտեսությունն է»,- այսօր հայտարարեց «Լուսավոր Հայաստան» կուսակցության նախագահ Էդմոն Մարուքյանը։
«Լուսավոր Հայաստանն» այսօր իր նախընտրական քարոզարշավն իրականացրեց ջերմոցային տնտեսության ֆոնին, քանի որ այս օրերին կրկին խնդրահարույց է Հայաստանից դեպի ՌԴ արտահանումների հարցը։
«2019 թվականին ՔՊ-ն լուծարեց ՀՀ գյուղատնտեսության նախարարությունը, և հենց հիմա Հայաստանում պատասխանատու պաշտոնատար անձ չկա, որը կզբաղվի Վրաստանում, Լարսում, ՌԴ տարածքներում մեր բեռնատարների խնդիրներով, որոնք լինում են»,- ասաց նա։
Էդմոն Մարուքյանը նկատեց՝ պետությունը խրախուսել է, որ մարդիկ վարկեր վերցնեն, արտադրանք տան և այն վաճառեն․ «Այսօր ունենք իրավիճակ, երբ ՀՀ-ի արտադրանքը 80 տոկոսով վաճառվում է ԵԱՏՄ շուկայում, հիմնականում ՌԴ-ում։ Վերջին հինգ տարիներին ՀՀ-ի վարած քաղաքականությունը սպառնալիքի տակ է դնում ԵԱՏՄ շուկա ՀՀ-ից արտահանումները։ Վերջին հինգ տարիներին մեր կառավարությունը չի արել համապատասխան ռեֆորմներ, որ գյուղատնտեսական արտադրանքը կարողանանք արտահանել ԵՄ շուկաներ»։
Կարդացեք նաև
«Լուսավոր Հայաստանը» ունի լուծումներ․ «Օրենսդրական լուծումներով իրականացնել այն չափանիշները, որոնք պահանջում էր ԵՄ-ն, որպեսզի մեր արտադրանքը համապատասխանի այդ շուկային։ Մյուս կողմից՝ չլինել արկածախնդիր և հարվածի տակ չդնել մյուս՝ 80-տոկոսանոց շուկան»։
Էդմոն Մարուքյանը հեգնեց՝ այս խնդիրներով զբաղվելու փոխարեն՝ ՀՀ վարչապետը զբաղված է «օրը մեկի տունը խլելով»։ Ի դեպ, դա էլ, ըստ նրա, «Գյուլնազ տատի» հեքիաթների երկրորդ սերիան է։
Մանրամասները՝ տեսանյութում։
Նելլի ԳՐԻԳՈՐՅԱՆ
Մարուքյանին ասեք՝ նոր կոստյում առնի․ Կրեմլում լրջորեն պատրաստվում են շապիկների աստառները շուռ տալ։