Վլադիմիր Պուտին-Նիկոլ Փաշինյան երեկ Բիշքեկում կայացած հանդիպման եւ արդյունքում արված հայտարարություններից հետո ԱԺ «Պատիվ ունեմ» խմբակցության նախկին պատգամավոր, ՀՀԿ Գործադիր մարմնի անդամ Տիգրան Աբրահամյանը եկել է այն եզրակացության, որ Հայաստանի եւ ՌԴ-ի առճակատումը շարունակվում է․ այս մասին նա այսօր ասաց «Եռաբլուր» զինվորական պանթեոնում լրագրողների հետ զրույցում։
ՀՀԿ անդամներն այսօր՝ Արցախի Հանրապետության հռչակման 35-ամյակի օրն այցելել էին «Եռաբլուր» զինվորական պանթեոն։
Կարդացեք նաև
«Մյուս կողմից, միակ բանը, որ կարող էր դրական լինել, պատուհանը դեռեւս լրիվ չի փակվել, դեռ հանդիպելու հնարավորությունները պահպանում են»,- երկու երկրների ղեկավարների հանդիպման մասին ասաց Տիգրան Աբրահամյանը։
Նրա գնահատմամբ՝ հայ-ռուսական հարաբերություններում տեղի ունեցող լճացման մեկնարկը տրվել է 2018 թվականի հայտնի իրադարձություններից հետո, քանի որ արտաքին միջամտությամբ Հայաստանում իշխանության եկած ուժերի համար կա խնդիր՝ Ռուսաստանին հանել տարածաշրջանից․ «Դրա ճանապարհներից մեկն էլ եղել է Արցախի թեման»։
Ինչ վերաբերում է Գյումրիում տեղակայված ռուսական 102-րդ ռազմաբազային, Տիգրան Աբրահամյանն ասաց, որ եթե Հայաստանի իշխանությունը գնում է Ռուսաստանի հետ հարաբերությունների վատթարացման ճանապարհով, ինչ-որ պահի դա նշանակում է ռազմաբազայի հեռացում։ Հիշեցրեց, որ 1990-ականներին ռազմաբազան վահան է եղել Հայաստանի համար՝ թուրքական ներխուժման վտանգի դեմ։
Մանրամասները՝ տեսանյութում
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
