«Ամուլսարը, եթե հանք դարձավ, մենք մեր իրերը պետք է վերցնենք, գնանք», — այսօր լրագրողների հետ զրույցում ասաց Ամուլսարի շահագործման դեմ բողոքող բնապահպանների ցույցի մասնակից, հասարակական գործիչ Մայա Բարխուդարյանը։
Բարխուդարյանը նկատեց, որ կառավարությունը միլիոններ է ծախսում իր վարչաբենդի և տարբեր փառատոնների վրա՝ մեր հաշվին խնջույքներ կազմակերպելով։
Կարդացեք նաև
«Ինքը այդ փողերը ծախսել է տարբեր թիթիզ բաների և իր PR-ի վրա։ Հիմա բոլորից պարտք է վերցնում, ընդ որում՝ պարտքը վարկի ձևով է, որը մենք ենք էլի վճարում։ Իրենց ուրախանալու համար՝ խորովածի, գաթայի փարթիների վրա, մեր հաշվին փողեր են ծախսում։
Հիմա կարծում եմ՝ բյուջեի դեֆիցիտն այնքան մեծ է, որ COP-ն են կազմակերպել, ու այդ ամբողջ ընթացքում ասում են՝ ինչ լավ հանքեր կան Հայաստանում, գնանք մետաղ հանենք, ոսկի հանենք, բյուջեն լցնենք։ Այդպես չեն անում։ Կառավարություն ես, պետք է մտածես՝ ինչպես կրճատես քո անիմաստ ծախսերը և ինչպես զարգացնես երկիրը։ Չպետք է ամբողջ հույսդ դնես հողերի վրա՝ մտածելով, թե ինչ կարող ես դրանց միջից հանել ու վաճառել, որպեսզի դրանով կարողանաս բյուջեն լցնել», — ասաց նա։
Ցուցարարներից մեկն էլ ասաց, որ այսօր ամեն կերպ խոչընդոտել են իրենց նախատեսած բողոքի ցույցն անցկացնելուն և միջազգային հանրությանն իրենց բողոքի ձայնը լսելի դարձնելուն։
Նա դժգոհեց, որ ոստիկաններն իրենց խաբել և ապակողմնորոշել են՝ համաժողովի անցկացման վայրի մուտքից իջեցնելով ներքև, արգելել իրենց նույնիսկ պաստառները բարձրացնել։
Ցուցարարներից մեկն էլ դիմեց ջերմուկցիներին՝ կոչ անելով միանալ իրենց պայքարին. «Ջերմուկցիներ, առանց ձեզ չենք կարողանալու արգելել Ամուլսարի շահագործումը»:
. Այն մի քանիսի պարագային որոնք իրապէս, ըսենք… հաւատքով՝ բնապահպաններ են, ափսոս, նշոյլ մը իսկ խելք չունեցան հասկնալու համար թէ այդ հանքը, ՀՀ որեւէ վարչակարգի ներքոյ, ուշ կամ կանուխ պիտի բացուէր: Եւ դեռ շա՜տ հանգեր պիտի բացուին ձեր այդ Նոր «Հայաստան»ին մէջ:
Ամուլսարը քարի կտոր մըն է – 31.07.2020
https://haytougchamlian.blog/ամուլսարը-քարի-կտոր-մըն-է/
Ամուլսարը՝ Փաշինյանի փրկութեան սկիզբն է – 19.08.2019
https://haytougchamlian.blog/ամուլսարը՝-փաշինյանի-փրկութեան-սկիզ/
Մ. Հայդուկ Շամլեան
…
Յ.Գ. իսկ սասնա ծռերը չե՞ն մասնակցում այս ցոյցին… երեւի 2020էն ի վեր մինչեւ օրս տակաւին շա՜տ զբաղ են իրենց սոսկալի ատրաստութիւններով, գրնալ կռուելու համար Արցախում…
Հայդուկ Շամլեան