Քրեական հեղինակություն «Նորատուսցի Ալիկ»-ի եղբայրը կարգադրիչի միջոցով դատարանի դահլիճից դուրս է կանչել լրագրողին. hetq.am

Քրեական հեղինակություն «Նորատուսցի Ալիկ»-ի եղբայրը կարգադրիչի միջոցով դատարանի դահլիճից դուրս է կանչել լրագրողին. hetq.am

«Լիա» գեղեցկության սրահում տեղի ունեցած սպանության գործով դատական նիստին այսօր գործով անցնող քրեական հեղինակությունների մեծ թվով մտերիմներ էին  եկել: Շենգավիթ վարչական շրջանի ընդհանուր իրավասության դատարանում մեկնարկած դատական նիստին դատարանի ամենամեծ դահլիճը գրեթե լիքն էր:  Մինչև դատական նիստի մեկնարկը ամբաստանյալ Ալիկ Բանդուրյանի եղբայրը՝ Արա Բանդուրյանը դատական կարգադրիչի միջոցով դուրս է կանչել «Հայկական ժամանակ» օրաթերթի լրագրող Տաթև Խաչատրյանին ու հետաքրքրվել, թե ինչո՞ւ է վերջինս եկել դատական նիստին:

Տաթև Խաչատրյանն դատարան գնացող առաջին լրագրողներից մեկն է եղել։ Նիստերի դահլիճ մտնելուց հետո կարգադրիչներից մեկը եկել և նրան ասել է, թե դրսից նրան կանչում են: Երբ Խաչատրյանը դուրս է եկել դատարանի միջանցք, նրան է մոտեցել Արա Բանդուրյանն ու սկսել հարցեր տալ, թե ինչո՞ւ է լրագրողը եկել դատական նիստին:

Տաթև Խաչատրյանը պատմեց, որ Բանդուրյանն իրենից հետաքրքրվել է, թե ով է իրեն կանչել նիստին:

«Ո՞վ ա քեզ կանչել, ինչի՞ ես եկել, ինչի՞ ես լուսաբանում և նմանատիպ այլ հարցեր էր տալիս»,- մեզ հետ զրույցում ասաց Խաչատրյանը:

Արաքս ՄԱՄՈՒԼՅԱՆ

Նյութի մանրամասները կարդացեք սկզբնաղբյուր կայքում

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք