Վերջերս ամուսնալուծված ամենասեքսուալ երգչուհի Ջենիֆեր Լոպեսի «On The Floor» երգի հիման վրա նկարահանված տեսահոլովակը Youtube-ում դիտվել է 428 միլիոն անգամ: Երգչուհու անձնական կյանքում անախորժություններն այդքան էլ վատ չեն անդրադարձել նրա երաժշտական գործունեության վրա: Լոպեսի տեսահոլովակի դիտումների քանակը կարճ ժամանակահատվածում գերազանցել է նույնիսկ Լեդի Գագայի «Bad Romance» տեսահոլովակին:
Նշենք, որ երգչուհին ամուսնալուծությունից հետո միայնակ չի մնացել
եւ հանդիպում է 24-ամյա երիտասարդ պարող Կասպեր Սմարթի հետ, որը նաեւ իր մասնակցությունն է ունենալու Լոպեսի Սան-Ֆրանցիսկոյում կայանալիք համերգային շոու ծրագրում:
Լոպեսի եւ նրա նոր սիրեցյալի մասին մամուլում շրջանառվող լուրերի հետ կապված՝ երգչուհու ներկայացուցիչները հայտնել են, թե նրանց կապում է միայն սեքսը:
Կարդացեք նաև
Եվա ՀԱԿՈԲՅԱՆ
